အရိပ်

မိးအိမ်လေး ဖျက်ဆို ငြိမ်းသွား
စာရွက်အလွတ် တစ်ချို့ ပြန့်ကျဲ
တံခါးရွက် အရှိန်နဲ့ပြေးဆောင့်သံ
တစ်ခန်းလုံး မှောင်အတိ
လေပြင်းတစ်ချက်ဟာ
အလင်းရောင်နဲ့ အဆက်ဖြတ်ပစ်လိုက်ပုံ ။ ။

အိပ်မက်တွေကို ကုတ်ခြစ်နေတဲ့ အသံဟာ ကျယ်လောင်လွန်းရဲ့

ကိုယ်ထွေးပွေ့ထားမိဆဲ

ဂစ်တာတစ်လက်ရဲ့ နှလုံးခုန်သံဟာ

 မင်းအကြောင်း သံစဉ်တွေ ပေါ့ကွယ် ..။

အချိန်ဆိုတဲ့ ရွေ့လျားစက်ထဲ

ပိုင်းထစ် ခုတ်ဖြတ်ခံ နေ့တွေမို့

သတိရစိတ်နဲ့

ဖွဖွလေး ဆုပ်ကိုင်ထားမိပါရဲ့..။

လေနှင်ရာ လွင့်နေရတဲ့ ဘဝတွေအတွက်

ဘယ်မှာ လူးသာလွန့်သာ ရှိလိမ့်မလဲ

လပြည့်ဝန်းရဲ့ စွဲငင်တဲ့ အလင်းမှုန်တွေကြား

ကိုယ့် စိတ်တွေဟာ တတိတိနဲ့ တိုက်စားလာနေခဲ့ ။ ။

၂၈၊၅၊၂၀၁၂။

အရင်းအတိုင်း ပြန်လည်ကြားသိရသော ကိုယ့်ရင်ခုန်သံ

ကြီးကြီးမားမား သုံးစွဲပြစရာ
ကိုယ့်မှာ စကားလုံးတွေ
လုံလုံလောက်လောက် ရှိမနေပြန်ဘူး ။

လူလူချင်း တွေ့ထိဖို့
စိတ် စိတ်ချင်း ဆက်စပ်ထားရှိမှု
အတွေးတို့နဲ့ ငွေ့ရည်ဖွဲ့မိတဲ့အခါ
သတိရခြင်းအဖြစ်နဲ့ ရွာချပေါ့
ကိုယ့်အပေါ်
တစ်ကိုယ်ရည်စာ အလွမ်းက ရွှဲရွှဲစို  ။

တွန့်ကြေ ကောက်ကွေ့ လမ်းမတွေထဲ
သတိရခြင်းကို မှတ်တိုင်အဖြစ် စိုက်ထူထားခဲ့ နေ့များ
တစ်လနဲ့ကိုးသီတင်း မင်းရဲ့သတင်းကို
သီချင်းတစ်ပုဒ်လို အကြိမ်ကြိမ် နားစွင့်ခဲ့ရသူလေ
ညတွေမှာမှ ခိုးယူပေါင်းသင်းရတဲ့ အိပ်မက်ကလေးက
တသီးစား ဘဝထဲ
လှလှပပလေး ပွင့်ပြနေ ပြန်ရော ။

၁၁း၅၈ နာရီ
၂၉၊ ဧပြီ ၂၀၁၂ ။

အသံမဲ့ စကား

စိတ်နဲ့မဆန့်တဲ့အခါ
စကားလုံးတွေ နံရံမှာ အရိပ်ထင်တယ်
အသံတွေဟာ တုန်ရင်အက်ကွဲလို့
ကိုယ်ဟာ လွယ်လွယ် အလျှော့ပေးတတ်သူ
မဟုတ်ပါဘူး
ကမ်းမမြင် လမ်းမမြင် ပြီးတဲ့နောက်
အသေခံဗုံးခွဲ သမားရဲ့ စိတ်မျိုးနဲ့ "ချစ်တယ်" ။

၁၄၊၂၊၂၀၁၂ ။

အရင်ကလို မစိမ်းလန်းတော့ဘူး

ရာသီဥတု အစိုးမရဘူး 
အလိုလိုနေရင်း စိတ်အလိုမကျဘူး 
အုံ့အုံ့မှိုင်းမှိုင်းနဲ့ အခန်းထောင့်မှာ 
အထီးကျန်မှုနဲ့ ပုံလျက်သား ။ 

ပြတင်းတံခါးတွေလိုစိတ်တွေမှာ 
ဖွင့်ထားလိုက်၊ ပြန်ပိတ်သွားလိုက်
ဖြာကျလာတဲ့ အလင်းလို အလွမ်းက 
အခန်းထဲ နေရာအနှံ့က တရစပ်တိုးဝင်လာ 
တစ်ယောက်ထဲလည်း စကားတွေပြောလား ပြောရဲ့ 
အရူးလိုပဲ ။ 

အဟောင်းကြီးပါကွာလို့ ပြောရအောင်ကလဲ 
လတ်တလော ဖြစ်နေတဲ့ ကိစ္စ
လောကဓံ လို့မှတ်ယူပါ့မယ်
ဖြတ်သွားဖြတ်လာ တဝီဝီနဲ့မို့ 
အရှေ့နောက်၊ ဘေး ဘယ်ညာ သေချာကြည့်
မီးစိမ်းမှ ကူးပါ ။ 

8:10 PM 
November 29, 2011

တရိပ်ရိပ်နဲ့ ဖြတ်ပြေးသွားသော ရှုခင်းများ

ဇန်နဝါရီ (၂၅)မှ ၂၆ ကြိမ်မြောက်
အတိတ်၊ အနာဂါတ်၊ ပစ္စုပန်များနှင့်
ကိုယ်ထူကိုယ်ထ မှတ်တိုင်များမှ တဆင့်
မိသားစုများအကြား စီးဆင်းခဲ့သော
မေတ္တာတရား မြစ်ကျဉ်း
ပိန်လိုက်ဖောင်းလိုက် အိပ်ကပ်တွင်းမှ စက္ကူရွက်များ
အလိုအလျှောက် လျှောကျခြင်း
ဖျက်ရာခြစ်ရာ ဗရပွနဲ့ တစ်သီးစား ဘဝထဲ
အရေးအသား တစ်ချို့ကို စွဲစွဲငင်ငင် ခေါ်ဆောင်
ရိုးသားခြင်းကို လည်ပင်းဖက် ပေါင်းသင်း
သတ္တိအရှိဆုံး ခွင့်လွှတ်ခြင်းနဲ့ ဟန်မပျက် ပြုံး
ရေကြည်ရာ မြက်နုရာဆီ ရေတတန် ကုန်းတတန် ခရီးနှင်ခဲ့
ကိုယ်ချင်းစာခြင်းကို အစိတ်စိတ်အမွှာမွာခွဲပြီး
တစ်ယောက်တစ်ဖဲ့စီ ည၊ မနက်စာအဖြစ် စားသုံးရင်း
တစ်နေ့နေ့ဆီ သို့
အဲ့ဒီ တစ်နေ့နေ့ဆီသို့ ကို ရောက်အောင်သွားမည် ။ ။


P.S >> ညီလေးမောင်မျိုး မွေးနေ့ အမှတ်တရ ။

အလင်းရောင်ဟာ အလင်းရောင်ကို ကိုယ်စားပြုတယ်

အလင်းရောင်နဲ့ ထိတွေ့ဆက်ဆံနေရသူအဖို့ 

အလင်းရောင်ကို ကြောက်တဲ့ရောဂါ ရနေတယ် 

အလင်းရောင်က စိတ်မထင်ရင် မထင်သလို ပြဿနာ ရှာတယ် 

အလင်းရောင်ကို ဘဝထဲ ထည့်ထားရတာ ပျော်တယ် 

အလင်းရောင်က ညတွေမှ ရောက်ရောက်လာတတ်တဲ့ အကျင့်နဲ့ 

အလင်းရောင်က စိတ်ကူး ကောင်းတွေကို အမြဲမပြတ် ထုတ်လွှတ်နေတတ်တယ် 

ကဗျာတစ်ပုဒ် အမြဲဖတ်ဖို့ ဆာလောင်နေတတ်တယ် 

ညမှာ အလင်းရောင်ရောက်လာတာဟာ ကမ္ဘာမြေနဲ့ အဆက်ဖြတ်ပစ်တာ 

ဒီလောက်ထိ အလင်းရောင်ဟာ မရှိမဖြစ် ဖြစ်လာပြီဆိုကတည်းက 

အန္တရာယ်ရဲ့ အငွေ့အသက်ကို ရသင့်တယ် 

တစ်စတစ်စ အလင်းရောင်ဟာ ညတွေကို ဝါးမြိုလာတယ် 

ဘဝတွေကို ဝါးမြိုလာတယ် 

အဆက်မပြတ် အလင်းရောင်တွေ သွယ်တန်းနေသေးကြောင်း 

အလင်းရောင်ဆီမှာ သက်သံခံပေးနေရတယ် 

ဒါကြောင့်ပဲ အလင်းရောင်ဟာ အမြဲ မျက်နှာသာ ပေးတာဖြစ်ကြောင်း 

အလင်းရောင် ကိုယ်တိုင် ထုတ်ပြောတတ်သေးတယ် 

အလင်းရောင် ကြီးစိုးလာခြင်းကို အပူတပြင်း ဆွေးနွေးနေရတယ် 

အလင်းရောင်ကြောင့် ဖြစ်တဲ့ ရောဂါတွေကို အမျိုးအမည် တပ်နေရတယ် 

အလင်းရောင်ပိုး ကာကွယ်ဆေးတွေထိုးနေရ ၊ အလင်းရောင်ရောဂါ မဖြစ်အောင် 

ကာကွယ် ကုသနေရ၊ အလင်းရောင်ကို ဂရုတစိုက် ဆက်ဆံနေရတယ် ။ ။ 

၀၁း၂၂ နာရီ ။

၁၆၊၁၂၊၂၀၁၁။

အိမ်စာပေးတဲ့ နေ့

အမှန်တရားက လက်ကျန်ခွက် အလွတ် တစ်လုံး

ဘယ်သူတစ်ဦးတစ်ယောက်ရဲ့ စိုက်ထုတ်မှု

အား မပါပဲ ကျကွဲပါတယ်

သက်ရောက်မှုမှာ စိုက်ထုတ်ရတဲ့ အား များ

ရောက်လေရာ ပူပြင်းတတ်သော အရိုင်းဆန်ဆန် နွေတစ်ချို့

မြို့ပြရဲ့ယဉ်ကျေးမှု တစ်ချို့တစ်လေ

ခေါင်းပါးသောရောဂါကြောင့်

လူသေပျောက်ဆုံးမှု များကြောင်း

သတင်းများကအဆက်မပြတ် ကြေငြာလျှက်ရှိ

ပူးပေါင်းပါဝင်ဆောင်ရွက်ခြင်း သဘောတရားများ

တစိမ်းဆန်ဆန် စွန့်ပစ်ထားသော

အထီးကျန်ခြင်းကျင့်စဉ်

ခပ်မြန်မြန်လည်ပါတ်နေသော ဟင်းလင်းပြင် အနန္တ

ချွန်မြနေသော ဘ၀များအပေါ်နေထိုင်မှု နည်းနိဿရ

စတ္ထုထမြောက်အခြေအနေ ပလာဇမာ(plasma)

လေဆာရောင်ခြည်များ၏အံ့မခန်း စွမ်းပကား

နာနိုနည်းပညာ တိုးတက်ထွန်းကားမှု

တစ်ရံရောအခါကတွင်တွင် လေ့လာရန်

ခက်ခဲသောပုစ္ဆာများအား

နည်းအတိုင်းပင်ဖြေရှင်းသည် ။

၁၄း၃၅နာရီ

၀၉၊၀၃၊၂၀၁၁။

ကြယ်ပန်း

အိပ်မပျော်တဲ့ညက
စိတ်ကူးနဲ့

ကောင်းကင်မှာ ပန်းတွေ ပျိုးခဲ့တယ် ။

ကြယ်ပန်းကလေးတွေ ပွင့်လာရင် 

သူ့ဆံနွယ် အိအိထွေးထွေးမှာ 

ကြယ်ကလေးတွေ ပန်ပေးမယ် ။

တိတ်ဆိတ်နေတဲ့ ညအမှောင်ထဲ 

သူ့ဆံနွယ် အလင်းစတွေက

ညကို လှပစေပါလိမ့်မယ် ။ 

မေလ ၅ရက်၊ ၂၀၁၁ ခုနှစ် ။

ဇန်(၉)ရက်နေ့ တစ်နေ့အကြောင်း

ထိတွေ့မိသမျှ စမ်းသပ်ပစ်ဖို့

ပေါ့ပါးတဲ့ လက်အစုံနဲ့ 

ချစ်ခြင်းမေတ္တာကို ရင်ထဲ အခွေခွေရစ်ဖွဲ့ထား 

အသော့နှင် မြင်းတစ်ကောင်ရဲ့ အပြေးနှုန်း

ကြိမ်ထိုးသလို၊ ကွန်ယက်သလို 

ဘဝကို ထွန်ယက်ခဲ့သော နှစ်များ 

ငြိမိသမျှ ခွာချတယ် 

လက်တံအတိုအရှည်တွေကြား 

လက်လှမ်းမီသလောက် ဘွာမခတ်စတမ်း 

ယုံကြည်ရာကို ဆန်တက်ရင်း 

အရွေ့ အရွေ့များနဲ့ 

ပွင့်၊ ပေါက်၊ ဖောက်၊ ထုတ် လိုက်ရတဲ့ ဒီကနေ့ အကြောင်း ။ 

၀၀း၄၆ 

၉၊၀၁၊၂၀၁၂ ။

PS >> အစ်ကိုကြီး မှော်ဆရာ မွေးနေ့အတွက် အမှတ်တရ ။

ရှည်လျားစွာ ရှင်သန်ရခြင်းကို မနှစ်မြို့တော့တဲ့ သစ်ပင်

အရေးအကြောင်း ထူထူများအကြား 

ရုန်းရင်းဆန်ခတ် အမြစ်မပြတ်သေးတဲ့ 

လူငယ်များ သန်စွမ်းခြင်းရောဂါ 

အကြောင်းအမျိုးမျိုး ကြောင့် 

အမျိုးမျိုးသော အကြောင်းအရာများအပေါ် 

အလျှင်စလို ငြီးငွေ့မိခြင်း 

ဘာမှ ဆုပ်ကိုင်မရ လိုက်

ရှပ်ပြေးသွားသည့် အရိပ်သည် 

အိပ်ပိတ်စာ တစ်စောင် အနေဖြင့် 

ကိုယ်တိုင် ကိုယ်ကျ ရောက်လာသောအခါ 

ဘယ်သူဘယ်ဝါ လိပ်စာပျောက်သူ 

စုံစမ်း ရှာဖွေ စစ်ဆေး အတည်ပြု 

မှတ်ချက်ချ တရားစီရင်ခြင်း 

တစ်ကိုယ်ရည်ဆို လွမ်းသလို 

အဖော်တွေစုံတော့လဲ လူပိုကြီးတစ်ယောက်

အပြုံးချိုချိုကလွဲလို့ ဒီငနဲက မွဲတယ် ။ 

၀၇း၄၁ နာရီ 

၁၅၊ နိုဝင်ဘာ၊ ၂၀၀၉ ။

မိသားစု

မိသားစုဆိုတာ

တစ်ယောက်ကီးကို တစ်ယောက်လိုက်ညှိပေးရတဲ့

သံစုံတီးဝိုင်းတစ်ခု

အမေက အစောကြီး ထမင်းထကြော်ရင်

အစ်ကိုက  ဆိုင်ခင်းတယ်

ကျွန်တော်က စားပွဲထိုး။

ကံကြမ္မာက တီးတဲ့အတိုင်း

မိသားစုတွေအကုန်လုံးလိုက် ကကြရတယ်

ဘ၀က ဘာကိုမှအလကားမရတဲ့အတွက်

နေ့တိုးနဲ့ ပြန်ပေးရတယ်

အိမ်လခ၊ မီးဖိုး၊ရေဖိုး စသည်ဖြင့်။

တစ်ယောက်က ဆန်ဆေးရင်

တစ်ယောက်က မီးမွှေးတယ်

ထမင်းဝိုင်းမှာ လက်ဆုံကြရတာလောက် ကောင်းတဲ့ဟင်း
မိသားစု ထမင်းဝိုင်းမှာစိုစိုပြေပြေမရှိဘူး။

တက်မရှိရင် လက်ထိုးလှော်မယ်

ငါတို့အတွက် ကမ်းမမြင်လမ်းမမြင်ဆိုတာ

အကြာကြီးမဟုတ်ဘူး

နွေဘယ်နှစ်ခု မိုးဘယ်နှစ်ခု ဆောင်းဘယ်နှစ်ခု

ငါတို့ရဲ့ ရာသီဥတုဟာ မိသားစုဆိုတဲ့ မီးလင်းဖိုလေးနဲ့

အမြဲနွေးတယ် ။

၂၀၀၉ ခုနှစ်၊ ဖေဖော်ဝါရီ ။

သတိရခြင်းဟာ အပြာရောင်ပန်းလေး ဖြစ်တယ်ဆိုပါစို့

မမြင်ရတဲ့ ကြိုးစလေး
စိတ်ကူးနဲ့ အကြိမ်ကြိမ်ချည်နေမိ
ပြုတ်ကျသွားတဲ့ နေ့သစ်ထဲ
အပြာရောင်ပန်းတွေ ပွင့်နေလိုက်ပုံများ
ဖွေးဖွေးလှုပ် ။

နံနက် ၃း၄၂ နာရီ ။
၇၊ ၀၁၊ ၂၀၁၂ ။

တိုးတိတ်ရင်

ခုတ်မပစ်လိုက်ပါနဲ့ကွယ်
ညွတ်ကိုင်းကျလာတဲ့
သံယောဇဉ် အခက်အလက်တွေကို ။

ဒီရင်ကို လှုပ်ခတ်စေတဲ့
ဆည်းလည်းသံဟာ
အချစ်ဆိုတဲ့ ငှက်ကလေး ရယ်ပါ ။

စိုးရိမ်မှုတစ်ဝက်နဲ့
မလုံတဲ့ အမိုး၊ အကာနဲ့
အမြဲပဲ ဥပေက္ခာမိုးသားတွေကို စိုးရွံ့နေခဲ့ရတယ် ။

၁၀း၅၃
၂၀၊ ၆၊ ၂၀၁၁။

အရွေ့

စိတ် တစ်ချက်
တောင်ပံအခတ်မှာ 
မိုင်ပေါင်း ထောင်သောင်းများစွာ ။