သူ့ကဗျာတွေဟာ သူ့နံဘေးမှာ ဆောင်ဓားတစ်လက်လို မြဲမြံနေခဲ့ ၂၃ ရာသီ ..

သူ့ကဗျာတွေဟာ သူ့နံဘေးမှာ ဆောင်ဓားတစ်လက်လို မြဲမြံနေခဲ့ ၂၃ ရာသီ.. ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
ခေတ်ရဲ့ဟန်ပန်ကို
တကိုယ်တော် ထုဆစ်ပုံဖော်ခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
နှစ်ကာလရဲ့ ယိမ်းယိုင်ယိုယွင်းမှုကို
တကိုယ်တော် တည့်မတ်ထိန်းသိမ်းခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
ပေါ်ပင်လိုက်မှုရဲ့ ငြင်းခုန်သံတွေကို
တကိုယ်တော် ကင်းလွတ်ရိုးရှင်းစွာနေထိုင်ခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
အလံထောင်ဆရာတစ်ချို့ရဲ့ ပိုင်စိုးပိုင်နင်းကြုံးသွင်းမှုတွေကို
တကိုယ်တော် လှလှပပကြီးရုန်းထွက်ခဲ့
၂၃ ရာသီ ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
အမဲလိုက်သမားတို့ရဲ့ အနုပညာယုန်ဖြူလေးကို
တကိုယ်တော် သန်သန်စွမ်းစွမ်းမွေးမြူခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
ငွေစကြေးစတို့ရဲ့ ချစ်ခြင်းမေတ္တာတစ်ပတ်နွမ်းလေးကို
တကိုယ်တော် ပိုက်ထွေးယုယဖြူစင်စေခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
နာမည်အတုအစစ်တို့ရဲ့ သရဲလက်တံအရှည်ကြီးတွေကို
တကိုယ်တော် ရိုက်ချိုးဖြတ်တောက်ပစ်ခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
သံယောဇဉ်ရွှေသားတို့ရဲ့ နူးညံ့ကျယ်ပြန့်မှုကို
တကိုယ်တော် ကဗျာဒြပ်စင်ကသိုဏ်းရှုခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
နယ်နိမိတ်ကင်းမဲ့ခြင်းရဲ့ စာနာနားလည်မှုကို
တကိုယ်တော် မားမားမတ်မတ်ရပ်တည်ကျင့်သုံးခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
ဟန်နေဟန်ထားအသီးသီးတို့ရဲ့ မာယာသုတ်လိမ်းညွှတ်ကွင်းထောင်ချောက်တွေကို
တကိုယ်တော် လှီးဖြတ်သတ်ပုတ်ခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
အပေါစားတံဆိပ်ကပ်မှုတို့ရဲ့ ပူးတုံခွာတုံရှိဟန်ကို
တကိုယ်တော် ပေါ့ပါးကြည်သာစွာတုန့်ပြန်နိုင်ခဲ့
၂၃ ရာသီ... ...

ငါတို့လျှာပေါ်က ထွန်ရေးခြစ်ကြောင်းမှာ
ငါ့သူငယ်ချင်းကဗျာဆရာဟာ
ရိုးဂုဏ်ရိုးဒြပ်တို့ရဲ့ သိပ်သည်းဆအနက်အဓိပ္ပါယ်ကို
တကိုယ်တော် ပွားများဆည်းပူးခဲ့
၂၃ ရာသီ... ...

ဒီလိုနဲ့..
သူ့ကဗျာတွေဟာ သူ့နံဘေးမှာ ဆောင်ဓားတစ်လက်လို မြဲမြံနေခဲ့
၂၃ ရာသီ.. ...။

ညိမ်းညို

ပင်လယ်မှာ လှိုင်းမူးခဲ့သူ

ပင်လယ်မှာ လှိုင်းမူးခဲ့သူ

ရေစီးကြောင်းအတိုင်း
ပင်လယ်မှာ လှိုင်းမူးခဲ့သူပါ
တကူးတက
ပန်းတွေခူးခူးပြီး
ဘယ်သူမှမသိအောင်
စာအုပ်ကြားထဲ ညှပ်သိမ်းထားတယ်
သူ့အတွက် ။

အမြဲဆိုနေကျ ဒီသီချင်းတစ်ပုဒ်ဟာ
ကျွန်တော်ကိုယ်တိုင် ချက်ပြုတ်ထားတဲ့
ဟင်းတစ်ခွက်
ဂီတအကြောင်း ကောင်းကောင်း မသိတဲ့ကျွန်တော်
သူ့ပုံရိပ်တွေ က တေးရေးဆရာ တဖြစ်လဲ
အသက်သွင်းလား သွင်းရဲ့ ။

သူဘာပဲပြောလိုက်ပြောလိုက်
နောက်တစ်နေ့ကဗျာထဲ
သူ့အသံတွေ ပါလာတော့တာပဲ
ကျွန်တော်ကလဲ ကျွန်တော်
သူ့ကိုယ်ပေါ် မျှော့တစ်ကောင်တွယ်ရင်တောင်
အညှိုးတစ်ကြီးနဲ့ ရက်စက်လိုက်ရမှ
ကျေနပ်တတ်တဲ့ကောင် ။

ကံကြမ္မာကိုသာ လဘ်သိပ်ထိုးလို့ရခဲ့ရင်
မျက်နှာသာပေး ဆုံနိုင်ရေးအတွက်
အကြိမ်ကြိမ် လဘ်သိပ်ထိုးမယ်ဆိုတဲ့
ကျွန်တော်ဟာ
ရေစီးကြောင်းအတိုင်း
ပင်လယ်မှာ လှိုင်းမူးခဲ့သူပေါ့ ။ ။

နေ့ထဲ သော့တစ်ချောင်းနဲ့ဖွင့်လိုက်တယ်

နေ့ထဲ သော့တစ်ချောင်းနဲ့ဖွင့်လိုက်တယ်


တစ်နေ့တစ်နေ့
ရှင်သန်မှု့ဆိုတာကြီးကိုက
ပေါင်းအိုးထဲ ထည့်ပေါင်းခံထားရသလို ။

ဘယ်ကပဲစလိုက် စလိုက်
လောကကြီးကကွာဆိုတာနဲ့ပဲ
သံတွေလို အရည်ကျို ပုံသွင်းတော့တာပဲ ။

အမြတ်မလိုချင်ပါဘူးဆိုရင်တော့
ဈေးစကားမပြောပါနဲ့
ညနေခင်းလောင်းကစားဝိုင်းထဲမှာ
လောဘ တွေပုံပုံပြီး လှော်ခတ်နေကြပုံများ
ဒီတစ်ခါနောက်ဆုံးပါပဲဆိုတဲ့ကြုံးဝါးသံတွေနဲ့ပဲ ။

ဇန်န၀ါရီမှ ဒီဇင်ဘာအတိုင်း
နွေ ၊ မိုး ၊ ဆောင်း
ရာသီဥတု
အချိန်နဲ့ နေရာ
အရွယ်သုံးပါး
ငိုသံနဲ့စ ၊ ငိုသံနဲ့ဆုံး
လောကမှာ အမြဲဆုံးအရာဟာ
မတည်မြဲခြင်းဆိုတာကို
အဲဒီအထဲကပဲ ရှာတွေ့ခဲ့ကြတယ် ။ ။

ကျွန်တော်နဲ့သူမ(၃)

ကျွန်တော်နဲ့သူမ(၃)

သူမရဲ့ ဖြစ်တည်မူက
သမရိုးကျ ရှင်သန်မှု့
ကျွန်တော့်ဖြစ်တည်မှု့ ကို
တစ်ဝက်တိတိ ၀င်လုတယ်။

နှလုံးသားခြင်းထိခတ်လိုက်မိတဲ့အခါ
အချစ်ဆိုတဲ့ပန်းတစ်ပွင့် ပွင့်အာတယ်
ပုံသဏ္ဍာန်အမျိုးမျိုးကွဲပြားနေခြင်းအပေါ်
သူမနဲ့ကျွန်တော်ရဲ့ အချစ်က ထပ်တူနီးပါး တူညီတယ် ။

ကျွန်တော် သတိထားမိလိုက်တဲ့အချိန်
ကျွန်တော့်မှာ အသက်ကယ်ဆေးမရှိတော့ဘူး
ဖုတ်ပူမီးတိုက်
ချဉ်ခြင်းတတ်အလွမ်းနဲ့
အစောဆုံးမနက်မှာ နောက်အကျဆုံး အိပ်ရာဝင်ဖြစ်တယ်။

ကျွန်တော်ရဲ့ အိပ်ရာဝင်နောက်ကျခြင်းဟာ
ဆက်သွယ်မှု့ဧရိယာအတွင်းမှာ
သံယောဇဉ်ကြိုးတွေ
ဖုန်းလိုင်းပူးနေခြင်းဖြစ်တယ် ။ ။

ဘယ်သူပြောလဲ ...ကဗျာဆိုတာ မိုးကျရွှေကိုယ်

ဘယ်သူပြောလဲ … ကဗျာဆိုတာ မိုးကျရွှေကိုယ်

အသည်းနှလုံးမှာ ကျွဲပုခုံးထအောင်
တစက်စက်ပေါင်းခံပြီးမှ ကျလာတဲ့အရည်
ဘယ်သူပြောလဲ … ကဗျာဆိုတာ မိုးကျရွှေကိုယ် … …

အိပ်ငိုက်နေတဲ့ ကဗျာကျမ်းကြီးကပြောတယ်
ငါနမ်းခဲ့တဲ့ ပန်းခက်တွေထဲ
ရနံ့သင်းဆဲ ဆောင်းတွေသာပြင်းနွဲ့
ညှင်းသွဲ့သွဲ့ ဗျပ်စောင်းသံဟာ
မရဏလက်တို့ရဲ့ အနုပညာပြကွက်ဖြစ်တယ် … …

ကဗျာဆိုတာ မိုးကျရွှေကိုယ်တဲ့
သူတို့ပြောကြတာပေါ့
အနုပညာဆိုတာကရော အပွင့်မဲ့ပန်းလား
ငါတို့နမ်းခဲ့တဲ့ ကဗျာတွေကတော့
မာယာမဲ့ပန်းတိုင်ဆိုတာ သေချာတယ်
… လာ … … လှမ်းစို့ … …

ပုဂ္ဂိုလ်စွဲနေသမျှ
တို့တွေမျက်စိမွဲနေမယ်ပ
ကဗျာရဲ့ ရင်ခတ်သံဟာ ခံစားချက်ရဲ့ မျဉ်းပြိုင်
အလင်းပြိုင်ကျရင် တို့ပိုင်တဲ့ ဆုံချက်တိုင်း
ကမ္ဘာတစ်သက် ၀င်းလက်တောက်ပနေရမယ်ဆိုတာ … ယုံ … …

ဘယ်သူပြောလဲ
ကဗျာဆိုတာ မိုးကျရွှေကိုယ်
ကဗျာဟာ သက်မဲ့ ဒြပ်မဲ့ ဗီတာမင်အပြည့်နဲ့ ခြံထွက်သီးနှံများဖြစ်ရဲ့ …
ကဗျာဆရာရဲ့ ရေလောင်းပေါင်းသင်ပျိုးနုတ်ခြင်းမှာ
စိမ်းစိုသန်မာလာခြင်းလည်း ဖြစ်ရဲ့ … …

အာရုဏ်တက်လင်းကြက်တွန်သံရဲ့ ကနဦးမှာ
တစ်မနက်စာအတွက်
နိုးတ၀က်အိပ်ပျက်ညတွေထုဆစ်
ရင်ဘတ်အငှားချခံရသူ
တစ်ကျွန်းစံ ရာဇ၀တ်ကောင်လည်း ဖြစ်ရဲ့ … …

အလွမ်းတွေဝေလို့ အနမ်းတွေ သွေရတဲ့အထဲ
ငါတို့ရင်ဘတ်တွေ နွမ်းကြွေရမတဲ့လား
မသေချာပါဘူးကွယ် …
ကျောက်ဖြစ်ရုပ်ကြွင်းဖြစ်ခဲ့ရင်တောင်
ကိုယ့်ရင်ငွေ့ကိုယ် ပါးပါးလေးလှုံချင်နေတဲ့ကောင်တွေပါ …

ဟောဒီမှာကွယ် …
ကဗျာဆရာတွေရဲ့ ၀ိဥာဉ်တွေကို ချခင်းထားတယ် …
အသွေးအရောင်မဲ့တဲ့လေထုထဲမှာ
မင်းတို့ရဲ့ သစ္စာတွေနဲ့အတူ
လိုက်ဖမ်းလိုက်ကြပေါ့ … …

မပြုံးဘူးလို့နေလိုက်တာ
ဒြပ်စင်ချင်းတွေ့လို့
ဒီကနေ့ …
ငါတို့ဓါတ်ပြုလိုက်ကြတယ် … …

မတွေ့ ကြတော့ဘူးလို့ပါပဲ
ဒီလိုနဲ့ တစ်ဘ၀လုံးတွေ့ခဲ့ကြ
ဘယ်တော့မှ မပြောကြလေနဲ့
ကဗျာဆိုတာ
… “ မိုးကျရွှေကိုယ် ” … …

( တည်ညိမ်းကို + ChIroN + တင့်ထူးရွှေ + ဖြိုးငယ် + မျှားပြာ + ညိမ်းညို )