လမ်းခွဲမယ့်အကြောင်းမပြောပါနဲ့

လမ်းခွဲမယ့်အကြောင်းမပြောပါနဲ့

ငါ့မြစ်ရဲ့ ရင်ခွင်မှာ
မှော်ပင်တစ်သိုက်လို
ရေစီးလိုက်လာတဲ့ ကောင်မလေးရေ
အရမ်းမတိုးလိုက်ပါနဲ့
အချစ်တို့မှော်အောင်တဲ့
မေတ္တာတရား တောအုပ်မှာ
ရွှေသမင်တစ်ကောင်ဖမ်းရတာ
အတွေးတို့ထမ်းပိုးထားရတဲ့ မုဆိုးအလုပ်မို့ပါ ။

အခုအချိန်ထိလဲ အချစ်ကို
လျှော်ကြေးတစ်ခုလို လိုလိုလားလား
ပေးဆပ်နေဆဲပါပဲ
ကိုင်းဆက်ပန်းလို အချစ်တွေ ဆက်ထားတယ်
ဘ၀ဘ၀ တွေ အထိ ။

(၁၅) မိနစ်ကို တစ်ကြိမ်
ကြီးထွားတတ်တဲ့ သတိရမိခြင်းက
မတွေ့မထိပါပဲ သိနေတယ်
အလိုလိုရှိနေကြတယ်
ချရေးပြလို့ မရတဲ့ စကားလုံးတွေနဲ့တင်
ငါ့ ရင်ခွင်က အသွင်ပြောင်းနေပြီ ။

အိပ်တန်းပြန်လာတဲ့ ငှက်တွေအကြား
နင့်သတင်းများပါလာမလားလို့တော့ မေးမိသား
ရုတ်တရက်တိုက်ခတ်လိုက်တဲ့ လှိုင်းတံပိုးတွေကြား
နင့်အမုန်းတွေပါလာ မလားလို့
ငါရှောင်တိမ်းလိုက်ရတာလဲ အမော
ခုချိန်ထိလဲ ငြိမ်ချက်သားကောင်းဆဲ
ငါရေးချင်တဲ့ ကဗျာတွေထဲမှာ
လမ်းခွဲ ရမယ့်အကြောင်းတွေအပိုမပါခဲ့လို့ပါ ။ ။