မီးပုံးပျံ

-->

-->

-->

အချိန်ပိုင်းဝေဒနာဟာ

မီးစာ မကုန်ခန်းသရွေ့

စိတ်ရှိသလောက်

ပျံဝဲနိုင်ခဲ့တယ် ။ ။

အတု အစစ်များ

ဇတ်ကွက်က ကံကြမ္မာစေစားရာ
အရပ်က ဟိုဘက်နဲနဲတိုးနေရတဲ့ခေတ်
ကျွန်တော်နဲ့ မျှော်လင့်ခြင်းက
တစ်ဖက်အသင်းရဲ့ကံကြမ္မာဂိုးပေါက်ကို
အကြိမ်ကြိမ်သွင်း
လွဲပြီးရင်း လွဲရင်း
ဒီလိုနဲ့ အချိန်တွေစေ့ခဲ့
များမကြာမီ ဖြစ်ပေါ်လာမယ့် အနာဂတ်အတွက်
ရွှေရည်ငွေရည်တွေလောင်းလို့
နာပြီးသားဇတ်မို့
နာနာနဲ့ပဲ ဆက်က မိ
မီးတွေလဲမှိတ်ကုန်ပြီ
အော်ခေါ်နေတဲ့အသံတွေကလဲ
တဖြည်းဖြည်းနဲ့တိမ်ဝင်သွား
တကယ်ပဲ ငါတို့
ပြတ်စဲသွားကြတော့မှာလား
ဘယ်မေးခွန်းကိုမဆို အကြောက်အကန်ငြင်းဆန်ရန်
ကျွန်တော့်တွင် အဖြေမရှိပါ ။ ။

တနင်္ဂနွေ

အာရုံများတဲ့ တနင်္ဂနွေဟာ

တနင်္ဂနွေတစ်ရက်ပဲ ဖြစ်တယ် ။

ရင်ထဲမှာ စည်းရိုးခတ်ခံရသလို

တစ်ခုခုဟာ ခုခံနေတယ်

လူသူအရောက်အပေါက်နည်းတဲ့နေရာလို

သဘာဝနဲ့ အနီးစပ်ဆုံး အကိုင်းတစ်ကိုင်းမှာ

တနင်္ဂနွေဆိုတာကို ချိတ်ထားမယ် ။

တနင်္ဂနွေကို

မဖိတ်ခေါ်ပဲ ရောက်လာမယ့် ဧည့်သည်လို

မပြင်မဆင်ပဲ ဧည့်ခံမယ်

တနင်္ဂနွေဟာ တနင်္ဂနွေပဲဖြစ်ရမယ်။

တနင်္ဂနွေမှာ

ကမူးရူးတိုးဖြစ်နေတဲ့ သတိရစိတ်တွေကို

နှစ်ချို့ဝိုင်တွေထဲနှစ် သတ်မယ်

ခပ်ဝေးဝေးရောက်အောင် ပစ်ထုတ်မယ်

တနင်္ဂနွေဟာ တနင်္ဂနွေပဲ ဖြစ်တယ် ။

တနင်္ဂနွေကို အစိမ်းရောင်တွေပဲ လိမ်းပေးမယ်

တနင်္ဂနွေကို ဖိနပ်မစီးပဲ လမ်းလျှောက်ခိုင်းမယ်

တနင်္ဂနွေကို အထီးကျန်တွေခြင်းတွေနဲ့ အဖော်လုပ်ခိုင်းမယ်

ဒါဆိုရင်ပဲ တနင်္ဂနွေဆိုတာကို ကျေနပ်လိုက်မယ် ။ ။

ချော်ထွက်နေတဲ့လမ်း

အဆင်ပြေရဲ့လား

နင်ငါ့ကိုမမေးဘူး

ဘန်ကီမွန်းထက် နင်ကပိုအလုပ်ရှုပ်တယ်

လာလဲသုတ်သုတ်

ပြန်လဲသုတ်သုတ်

အလုပ်ထဲမှာ အချိန်ကုန်နေရရင်

ကျန်တာတွေ အားလုံးမေ့လို့ရပါတယ်လို့ပြောတယ်

နေ့လဲမဟုတ် ညလဲမဟုတ်

လှောင်ပိတ်နေတဲ့အခန်းထဲမှာ

ငါတစ်ယောက်ထဲပါ

နင်မလာသေးဘူးလား

နင်ပြန်တော့မှာလား

ငါ့မှာ ဒါလေးတွေကလွဲပြီး

ဘာနဲ့များ ငါလမ်းကိုတည့်မတ်ပေးရမလဲ ။

ပွဲတော်

ည
အရောင်တွေ
ပြိုးပြိုးပျက်ပျက်
အပျော်တွေ ဖိတ်လျှံကျ
ဝံပုလွေများရဲ့ တောရိုင်းထ ဂီတ ။

ကျွန်တော်ကြဲခဲ့တဲ့ စိတ်ကူးယဉ်ပန်းများ

ကြမ်းခင်းပေါ်မှာ အိပ်စက်ခဲ့ရလို့

ကျွန်တော့်အိပ်မက်တွေ ကြမ်းရှမနေခဲ့

မွေ့ယာပေါ်အိပ်စက်ခဲ့ရလဲ

ကျွန်တော့်အိပ်မက်တွေဟာ

အိစက်ညက်ညော မလာခဲ့ပြန်ဘူး ၊

အရင်ဘ၀ကလက်ကျန်

ဒီဘ၀အတွက်

ချစ်တတ်တဲ့နှလုံးသားတစ်ခုနဲ့

သူ့ရဲ့ပုံတူတစ်ခု ထည့်ပေးလိုက်တယ်

သူ့ကို ရှာတွေ့တဲ့အခါ

ဓါတ်ပုံထဲကလူဟာ သူမဟုတ်ပါဘူးဆိုတဲ့အကြောင်း

သူကပဲအခါခါကိုငြင်းနေတယ်

ဒါဆိုရင် တစ်နေရာရာမှာ တစ်ခုခုဟာ

အသေအချာကို လွဲချော်နေခဲ့ပြီ ၊

ငယ်ငယ်က ရခဲ့ဖူးတဲ့

အမှားခပ်များများလိုပဲ

သေတ္တာတစ်လုံးထဲ ထည့်သိမ်းမိ

သတိရလို့ ထုတ်ကြည့်တဲ့အခါ

အရောင်တွေဘာတွေလွင့်လို့၊

အဆိပ်အတောက်ဖြစ်ခဲ့တဲ့

အတိတ်ကရက်စွဲတွေကလဲ

ဒိုင်ယာရီစာအုပ်လေးထဲ

အလျှားလိုက်သေလို့၊

တစ်ပိုင်တစ်နိုင် မွေးမြုထားတဲ့

ကျွန်တော့်စိတ်ကူးတွေ ကြီးထွားလာခဲ့သော်

ကျွန်တော့်ပတ်ဝန်းကျင်သည်လဲ

ထို့အတူ လှပ လာပါလိမ့်မည် ။ ။

အချစ်အကြောင်း အပိုင်းအစ

အစ်မလေးမက အချစ်ဆိုသည်မှာ ခေါင်းစဉ်နဲ့ ရေးပေးစေလိုပါတယ်ဆိုလို့ ကျွန်တော်တစ်ယောက်ထဲရဲ့ အမြင်ကို ရေးလိုက်ပါတယ်၊ ခေါင်းစဉ်ကို ကြားမိရုံနဲ့ ထိပ်ထိပ်ပြာပြာ ဖြစ်သွားတယ် အချစ်ကို သိသလိုလိုနဲ့ မသိတာလဲ ဖြစ်နိုင်ပါတယ်၊ အချစ်ဆိုတာ ဒါပါပဲလို့ တစ်ဦးတစ်ယောက်က ပြောလာခဲ့ရင် ကျွန်တော် အလွယ်တကူပဲ လက်ခံပါတယ်၊ သူ့အတွက် အချစ်က ဒါဖြစ်နေလို့ပါပဲ၊ ဒီလိုဆို ကျွန်တော့်အတွက်က အချစ်ဆိုတာဘာလဲ….


အချစ်ကိုအဓိပ္ပါယ်အမျိုးမျိုး ဖွင့်ဆိုတဲ့အထဲက ကျွန်တော်တစ်ယောက်ထဲရဲ့ အမြင်ပါ အဓိပ္ပါယ်တစ်ခုမဟုတ်ပါ အပိုင်းအစတစ်ခုအနေဖြင့်သာ.. ၊တစ်ယောက်နဲ့တစ်ယောက်အမြင်မတူညီနိုင်သဖြင့် နားလည်ပေးစေလိုပါတယ်။
အချစ်ဆိုတဲ့အကြောင်းအရာကို ပြောမိတိုင်း တစ်ခါတစ်လေ အငြင်းပွားရတယ်၊ တစ်ခါတစ်လေတော့လဲ သူ့နဲ့ကို အဆင်ပြေသွားတဲ့အခါရှိတယ်၊ ဘယ်သူတစ်ဦးတစ်ယောက်မှ အချစ်ရဲ့အဓိပ္ပါယ်ကို တိတိကျကျ ဖွဲ့ဆိုထားခြင်း မရှိပြန်ဘူး၊ သို့သော် အချစ်ဆိုတာကလဲ ရှိနေပြန်တယ်၊ အချစ်ဆိုတဲ့စကားလုံးနဲ့ အချစ်ဆိုတာကို ကိုယ်စားပြုထားတယ်လို့ ကျွန်တော်ထင်တယ်၊ သို့သော် ချစ်တယ် ဆိုသောစကားလုံးကိုတော့ နေရာတော်တော်များများမှာ တွင်တွင်ကျယ်ကျယ် အသုံးပြုထားကြတယ်၊ အချစ်ကြောင့် ပူလောင်ရတယ်၊ အချစ်ကြောင့် အေးမြတယ် အချစ်ကြောင့် စိတ်ချမ်းသာတယ် အချစ်ကြောင့် အောင်မြင်မှုတွေရတယ် အချစ်ကြောင့် ဘ၀တွေဆုံးရှုံးရတယ် အချစ်ကြောင့်……အချစ်ကြောင့်…….ဒါဆိုရင် အချစ်မှာ စွင်းအင်(သို့) အချစ်မှာ အကျိုးအပြစ်တွေရှိနေတယ်၊ ကိုယ်ချစ်မိတဲ့ သူကို ပိုင်ဆိုင်ခွင့်ရချင်တယ်၊ ပိုင်ဆိုင်ခွင့်မရတဲ့အတွက် စွန့်လွတ်လိုက်ရတယ်၊(တစ်ချို့ ချစ်နေရုံသက်သက်ပဲတဲ့) ပိုင်ဆိုင်ခွင့်ရသူအတွက် အချစ်သည် ရယူခြင်း၊ ပေးဆပ်သူအတွက် အချစ်သည် စွန့်လွတ်ခြင်းဟူသော နာမ၀ိသေသနများ အချစ်မှာရှိနေတယ် စွန့်လွတ်သောအချစ်၊ ရယူပိုင်ဆိုင်သောအချစ်၊……အချစ်၊………အချစ်၊ ဥပမာ မောင်မောင်သည် ကျောင်းသားတစ်ယောက်ဖြစ်သည်၊ မောင်မောင်သည် စာတော်သော ကျောင်းသားတစ်ယောက်ဖြစ်သည်၊ မောင်မောင်တွင် စာတော်သောကျောင်းသား ဟူသည့် နာမ၀ိသေသန တစ်ခုကိုပိုင်ဆိုင်သည်၊ ထို့သို့ပင် အချစ်ကို နားလည်မိသည်။
လူတစ်ဦးတစ်ယောက်သည် တစ်သက်တွင် တစ်ကြိမ်အချစ်စိတ်ဖြစ်ပေါ်ကြလိမ့်မည်ဟု ကျွန်တော်ထင်သည် အချိန်မရွေး အသက်အရွယ်မရွေး နေရာဒေသမရွေး ဖြစ်ပေါ်လာနိုင်သည်၊ မသိစိတ်ထဲတွင် သူစိုးမိုးထားသည်၊ ထိုမသိစိတ်ကို သိစိတ်သို့ ပြောင်းလဲလိုက်လျှင် အချစ်စိတ်ဖြစ်ပေါ်လာသည်၊ လျှပ်တပြက် တခဏအတွင်းတွင်လဲ ဖြစ်ပေါ်လာနိုင်သည် အမှုမဲ့အမှတ်မဲ့ဖြစ်နေတာလဲ ဖြစ်နိုင်ပါတယ်၊ အချစ်ကိုဖန်တီးယူလို့မရသလို ဖျက်ဆီး၍လဲ မရနိုင်ဟုထင်သည်၊ အချိန်လွန်မှ ဖြစ်ပေါ်လာသော အချစ်လဲရှိနိုင်သည်၊ ထိုအခါမျိုးတွင်တော့ အချစ်ကို မဖော်ထုတ်ပဲ မြေမြုပ်လိုက်လျှင် လောကကြီး သာယာလှပသွားနိုင်သည်၊ ကျွန်တစ်ယောက် သခင်အပေါ်တွင် သစ္စာစောင့်သိရမည်၊ နိုင်ငံတော်အပေါ်တွင် နိုင်ငံသားတိုင်း သစ္စာစောင့်သိကြသည်၊ အချစ်အပေါ်တွင် ကျွန်တော်တို့ သစ္စာစောင့်သိကြမည်ဟုထင်သည်၊ သစ္စာစောင့်သိခြင်းသည် အချစ်၏ ဂုဏ်သတ္တိတစ်မျိုးပင်ဖြစ်မည်ဟု ထင်မိသည်၊ အချစ်တွင် ထိုသို့သော များပြားသည့် အမည်နာမများနှင့် ဂုဏ်သတ္တိများလဲ ရှိနေသည်၊ ( အချစ်သည် သစ္စာတရားဟု ပြောလာလျှင်လဲ မငြင်းပါ :) :P )




ကျွန်တော်ထင်ထားခဲ့တာတွေဟာ ဖြစ်လျှင်လဲဖြစ်နိုင်ပါတယ်၊ ဘာမှလဲမဆိုင်ချင် မဆိုင်နိုင်ပါဘူး၊ အဲဒီအတွက် ကျွန်တော်မကန့်ကွက်လိုပါ၊ ဘာမှမဆိုင်ဟုဆိုလျှင် ကျွန်တော်ပြောခဲ့သလိုပင်အချစ်နှင့်ပါတ်သတ်လျှင် အချစ်ဆိုတာကို ကျွန်တော်မသိသေးကြောင်းပါ (အချစ်ဆိုတာ မရှိဘူးဟု ပြောလာခဲ့လျှင်လဲ မငြင်းပါ :) :) :) )

ကျွန်တော်ပြောခဲ့သော အချစ်အကြောင်း အပိုင်းအစများဟာ အစ်မလေးမပြောပြထားတဲ့ အချစ်ရဲ့ နံပါတ်(၅)အချက်မှာ အကြုံးဝင်ပါတယ် အစ်မ ။
အစ်မရေ ကျွန်တော်အမြင်ကတော့ ဒီလောက်ပါပဲ …..
ခင်မင်လေးစားလျှက် …။

ဖိုးချစ်

စိုးရိမ်လွန်တဲ့ အပူစိတ်နဲ့

ဆိုက်ကားဂိတ်လဲရောက်ခဲ့ပြီ

ဈေးတန်းတွေလဲ သိမ်းကုန်ပြီ

တစ်ရပ်ကွက်လုံး တစ်လမ်းဝင်တစ်လမ်းထွက်

ရပ်ကွက်ရုံးလဲ ရောက်ခဲ့တယ်

မင်း ဘယ်ကိုရောက်နေသလဲဖိုးချစ်ရယ်

အမေ့ရင်မှာ မီးတောက်နေပြီကွယ်။

သတ္တ၀ါတစ်ခု ကံတစ်ခုပေမယ့်

ဖိုးချစ် မင်းကံတရားက အမေ့ဖန်တီးခဲ့တာပါသားရယ်

အမေဒီလောကထဲကို ဆွဲခေါ်ခဲ့မိတယ်

မင်းဟာ အမေ့ရဲ့ရတနာ

မင်းသာ အမေ့အသက်ပါပဲ လူလေးရယ်။

မင်းအသက် ၁၂ နှစ်မှာ

မင်းအသိဟာ ၅ နှစ်သားထက်မပိုခဲ့

ဦးနှောက်အသိဥာဏ်ချို့တဲ့နေတဲ့မင်းရဲ့ရောဂါဟာ

ဘယ်ဘ၀ကမင်းရဲ့ အကုသိုလ်လဲကွယ်

မင်းညီ အငယ်ကောင်က သူ့အရုပ်တွေယူဆော့လို့

မင်းကိုရိုက်နှက်နေလဲ မင်းအော်ငိုနေရုံကလွဲလို့

မင်းဘာများတတ်နိုင်ခဲ့သေးသလဲ

သားငယ်ဖိုးချစ် မင်းဘ၀ကို

အမေသနားတယ်

မင်းဘယ်ရောက်နေသလဲကွယ်။

ငိုကြီးချက်မနဲ့ မင်းအိပ်နေတုံး အမေနမ်းခဲ့ရတဲ့

အနမ်းတွေမှာ မင်းဘ၀အေးချမ်းလာစေရမယ်လို့

အမေ့ဘ၀တစ်ခုလုံးနဲ့ရင်းပြီး

မင်းကိုဂတိတွေ အထပ်ထပ်ပေးခဲ့ပါတယ်

သားငယ် ဖိုးချစ် မင်းဘယ်ကိုသွားနေတာလဲကွယ်။

အရင်ဆိုင်မှာဈေးဝယ်တွေ ကျနေတဲ့အချိန်လဲ

အမေဒီအတိုင်းထားခဲ့မိတာပဲ

ဈေးဘက်လျှောက်ချင်လျှောက်မယ်

ဆိုက်ကားဂိတ်ဘက်မင်း ပြေးဆော့ချင်ဆော့နေမယ်

အမေလဲ ဒီလောက်တော့ သတိလွတ်မယ် မထင်ခဲ့ဘူး

အမေအမှားတွေပါပဲကွယ်

မင်းဘယ်ရောက်နေသလဲ ဖိုးချစ်ရယ်။

ပြေးလွားဆော့ကစားနေရယုံ

အမေ မင်းကိုဘယ်မြင်ချင်ပါ့မလဲ

ငါ့သား ဆရာဝန်ကြီး ပညာတတ်ကြီးအဖြစ်

အမေ့ မြင်ချင်စမ်းပါဘိ သားငယ်ဖိုးချစ်ရယ်

မင်းဘ၀ကံကိုကဆိုးလွန်းပါတယ်ကွယ်

မင်းဘယ်ရောက်နေသလဲ ဖိုးချစ်ရယ်။

ကလေးတွေကြားထဲ ထိုးကြိတ်ခံ

မင်းရင်ဘတ်မှာ အကြိတ်ဖုလေးတွေထတဲ့အထိ

မင်းအပေါ် အနိုင်ကျင့်ခဲ့ကြတဲ့ ကလေးတွေနဲ့

ဆော့ကစားနေရရင်ပျော်နေတတ်တဲ့ဖိုးချစ်

အခုတော့ ဘယ်မှာများသွားဆော့နေသလဲ

အမေ့ရင်တွေပူလှပါပြီကွယ်

မျက်လုံးတွေလဲကျိမ်းစပ်နေပြီသားငယ်

အမြန်ရှာတွေ့ပါတော့ကွယ် ။

ဆိုးလွန်းလှတဲ့ မင်းကံတရား

အချိုအခါး အရသာမသိ

ပူတယ် အေးတယ်ပြောလို့မတတ်တဲ့ ဖိုးချစ်

မင်း တစ်နေ့တစ်နေ့

လမ်းမပေါ်မျှော်မျှော်ကြည့်နေတာ မြင်ရတာကိုက

အမေရင်မှာ မချိဘူးကွယ် ။

စက်ဘီးတွေ၊ ဆိုက်ကားတွေပေါပါဘိ

ကားတွေ များပါဘိ မင်းနှယ်

ရထားသံလမ်းဘက် ဖြတ်ကူးသွားလေမလား

အမေ့ ရင်တွေအရမ်းပူလှပါပြီကွယ်

မင်းဘယ်ကိုရောက်နေသလဲဖိုးချစ်ရယ်။

ဖိုးချစ်ကလေးကိုသာပြန်တွေ့ရမယ်ဆိုရင်

ကျွန်မစည်းစိမ်တွေ ပုံပေးပါ့မယ်

ကျွန်မတစ်ကိုယ်စာ ရင်ငွေ့နဲ့

သားငယ်လေးနွေးထွေးစေရမယ်

အမြန်ပြန်လာပါတော့ကွယ် ဖိုးချစ်ရယ်။

ဖိုးချစ်ကိုသိတဲ့လူတစ်ယောက်များ

အိမ်ကိုလိုက်ပို့လေမလား

အမေမျှော်နေမိတယ်သားငယ်

ဖိုးချစ် မင်းဘယ်ကိုရောက်နေသလဲကွယ်

အမေမင်းကိုမတွေ့တွေ့အောင်ရှာမယ်

မတွေ့မချင်းရှာမယ်

ဖိုးချစ်သားငယ်

မင်းဘယ်ကိုရောက်နေသလဲကွယ် ။ ။

( ဖိုးချစ်ကို ကျွန်တော် အထက်တန်းကျောင်းသားဘ၀က မကြာခဏ ထိန်းခဲ့ရဖူးတယ်၊ သူနဲ့အတူ လိုက်ပြေးခဲ့ဖူးတယ်၊ ဖိုးချစ်လိုလူမျိုးအကြောင်း ဇတ်လမ်းတွေကြည့်ရတော့ ဖိုးချစ်ကို သတိရမိတယ်၊ လူအမျိုးမျိုးက ဖိုးချစ်အပေါ်ထားတဲ့ စိတ်ထားတွေမတူညီတဲ့အထဲက ဖိုးချစ်အမေ အကြောင်း စာလုံးပေါင်းမိတယ်။ )

မက်ဆေ့ခ်ျ

တစ်ရက်ထဲမှ ၂၄ နာရီကိုနုတ်ပါ
ဟင်းသီးဟင်းရွက် အသား၊ ငါး ရွေးသလို
ဘ၀ထဲမှ ရွေးပါ
ဒီလိုဆိုတော့လဲ
အဆမတန် မျက်လုံးတွေ ပြူးကုန်ကြမလား
ဟာ ခနဲ ဟာ ကုန်ကြမလား
ဒလဟော စီးဆင်းမှုကို ရပ်တန့်သွားနိုင်အောင်
ကြက်ခြေတွေပဲခတ်ကြမလား
လောကထဲ မှ လူတစ်ယောက်ကိုလဲ
သေခြင်းတရားကပဲ နုတ်ယူသွားဦးမှာပဲလေ။

မီးကြွင်းမီးကျန်ဆိုရင်
နောက်ဆုံး ဆေးလိပ်မီးကအစ
အလျှဉ်းသင့်သလိုညှိမ်းပါ
ပလက်စတစ်လောင်း
မှန်ဘောင်သွင်းထားရအောင်လဲ
ခမ်းခမ်းနားနား ကျွန်တော်တွင် ဘာမှမရှိပါ ။

အိုးမဲ့အိမ်မဲ့လေလွင့်နေတဲ့စိတ်ရိုင်းကို
စွန့်လွတ်မှုတွေနဲ့ အစားထိုးကြည့်
ဖြည့်စွက်စရာများ အများကြီးကျန်ရှိနေပါသဖြင့်
ကိုယ်တိုင်သာ ဖြည့်စွက်ကြပါရန်
သေချာပြီဆိုတဲ့ နေ့မှ
ကျွန်တော့်ဆီ ဖုန်းခေါ်ပါ (သို့)
မက်ဆေ့ခ်ျ ပို့ပါ
သင့်ရဲ့ လက်ဆတ်တဲ့ အပြုံးတစ်ပွင့်မှာ
တစ်ကိုယ်ရေ သန့်ရှင်းမှုတွေ ပေကျံနေပါစေ ။

မျက်ရည်တွေ မရှိတော့တဲ့ နေ့အထိ
ကျွန်တော် အသက်ရှိနေချင်သည် ။ ။

မပြီးဆုံးသေးသော

တွန်းမှန်းမသိ ဆွဲမှန်းမသိ
လက်တွေက ကြမ်းရှ
စိတ်အပင်ရဲ့ ထိုးထောင်မှုကို
ခုတ်သိမ်းခံရတဲ့အခါ
ရှင်သန်ခြင်းတို့ သေတယ်။

စိတ်အစာငတ်မွတ်ခြင်းမှာ
ခန္ဓာတစ်ခုလုံး နုံးနယ်ချိနဲ့
မီးခိုးတွေပဲ အူနေအောင်ထွက်တယ်။

လမ်းတွေကလဲ တစိမ်းတရံစာလိုပဲ
အမြှီးအမောက် ပြန်တည့်နေရတာကိုက
နေ့ နဲ့ ည။

ရစ်ခြုံသိုင်းဖက်ထားတဲ့ လောကဓံအပေါ်
နည်းအမျိုးမျိုးနဲ့ခါချ ကြည့်
လုံးထွေးသတ်ပုတ်ကြည့်
လိုအပ်တဲ့ ဓါတ်စာဆိုတာလဲ
ပုံမှန်မှီဝဲနိုင်မှ ။

ဒီတစ်နွေ
ပြီး နောက်တစ်နွေ
မျှော်လင့်ချက်တန်းလန်းနဲ့
ပိတ်ကားပေါ်မှာ စောင့်ကြည့်ရမယ့်ဇာတာ။ ။

ကောင်းကင်ကြီးက၀ှက်ထားတဲ့ ကိုယ့်ကြယ်

ပဲ့နေတဲ့နေရာလေးကိုမှ
နဲနဲချင်းစိဖဲ့လိုက်သလိုမျိုး
ဒီလိုနဲ့ တစ်ပြင်လုံး ပဲ့ထွက်သွားလိုက်တာ..

ပြန်လာမယ်ဆိုတဲ့စကားကို
အဝေးကြီးကနေပြောတယ်
ဘယ်အရာတွေထဲက ထွက်ကျလာတဲ့အသံလဲ
ဟောဒီနားနဲ့ကို ဆက်ဆက်ကြားမိပါတယ်
တစ်ဦးတစ်ယောက်ချင်းစီအတွက်
ရူးနှမ်းခွင့်နဲ့ အသားကျနေတဲ့နေရာမှာ
မင်းလဲ ပျော်သလိုသာနေပါ
ဘယ်အရာတွေမှ ရပ်နေလို့မရတဲ့ကမ္ဘာမှာ
မင်းရောကိုပါ လိုက်ပါရွေလျှားနေကြတာပဲ
တစ်နေ့နေ့ တစ်ချိန်ချိန်တော့
တိုက်မိ ဆောင့်မိကောင်းပါရဲ့ကွယ်။

တစ်နေ့တစ်ခါပြန်အသစ်လုပ်ရတဲ့မျက်နှာနဲ့
ရေဆုံးရေဖျား
မေးလေးထောက်ထောက် ကြည့်ရတာ အမော
ဘယ်မှာများလင်းလက်နေတာပါလိမ့် ကိုယ့်ကြယ်
လေးလံကြီးမားတဲ့အရာများရဲ့ ၀န်နဲ့
မကြာခဏ အပိခံထားရတဲ့ ကိုယ့်စိတ်
နှေးကွေးလေးလံလွန်းလှရဲ့ ။

အဆုံးထိရောက်မှ အစကိုပြန်ကောက်ရတဲ့
ကိုယ့်ကမ္ဘာမှာ
ဘယ်မြစ်မှ သောင်မထွန်းခဲ့ပါဘူး
အမြဲချော်ထွက်နေတဲ့လမ်းကနေ
ခပ်အေးအေးပဲ တေးဆိုနေချင်တယ် ။

မုန့်ဆီကြော် ဘယ်ဆီနေမှန်းမသိတဲ့အဖြစ်ဟာ
စိတ်မှန်းနဲ့ ရူးနှမ်းမှုတစ်ခုဆိုရင်
မုန့်ဆီကြော် မကြိုက်တဲ့ကျွန်တော့်အတွက်
စကားလုံး လှလှ နိတိကျကျ
သွေဖီခွင့်ပြုပါ ။

လမ်းပေါ်မှာတွေ့လို့
ကောက်ယူမွေးစားလိုက်ရတဲ့ အဖြစ်မျိုးနဲ့ပဲဖြစ်ဖြစ်
ကိုယ့်အတွက် အဓိပ္ပါယ်တစ်ခုခုရှိနေမယ်ဆိုရင်
တစ်လနဲ့ကိုးသီတင်း
ကောင်းကင်ကြီးက ၀ှက်ထားတဲ့ ကိုယ့်ကြယ်လေးနဲ့
ဒီညမှာပြည့်ပြည့်၀၀
စကားတွေတ၀ပြောချင်တယ် ။ ။

လေသလပ်ခံခဲ့တဲ့ညနေ

ဒီနေရာက်ိုရောက်တော့
တောနံ့ တောင်နံ့တွေ ပြန်ရတယ်။

မြို့ကြီးပြကြီးရဲ့ အဆင်းတန်ဆာတစ်ခု
ထမ်းပိုးထားရတဲ့အရာတွေခဏတာဖြေလျှော့တဲ့နေရာ
အနဲဆုံးတော့ လတ်ဆက်တဲ့လေ အလကားရတယ်။

မြစ်ကမ်းနဘေးမှာ
နေ၀င်ချိန်ကိုထိုင်ကြည့်ရတဲ့အရသာ
အတွေးဟာ တိပ်ခွေတစ်ခွေလို
ကျော်ချင်တဲ့နေရာကိုကျော်
ရစ်ချင်တဲ့နေရာကိုပြန်ရစ်လို့ရတယ်
လေသလပ်ခံခဲ့တဲ့ညနေ။

မြစ်ရဲ့ကျောကုန်းပေါ်
မျောပါလာတဲ့ အမှိုက်များနဲ့ကျွန်တော်
ကျွန်တော့်ဘေးမှာထိုင်နေတဲ့ နောက်ထပ်အမှိုက်တစ်စ
ရစ်ခွေဆန်တက်သွားတဲ့ မြစ်ကြောင်းအတိုင်း
ချိတ်ချင်တဲ့ကိုင်းနဲ့ချိတ်
ညှိချင်တဲ့ နေရာမှာညှိလို့
ရေကြီးသုတ်ပြာနဲ့ အရုဏ်တက်ရမယ့် မနက်မှမဟုတ်ပဲ။

ပူနွေးလာတဲ့ကမ္ဘာကြီးနဲ့
သဘာဝပါတ်ဝန်းကျင်ထိန်းသိမ်းရေး
အိုဇုန်းလွှာ ပေါက်ခဲ့တဲ့အကြောင်း
အိမ်တစ်အိမ်မှာ အကြီးကောင်က ထင်းခုတ်လိုက်လို့
မျိုးတုံးသွားတဲ့သစ်ပင်
ညည ငါအိပ်လို့မရတာကအစ
ကြက်ခြေနီသုတ်ဘယ်လိုကောင်းကြောင်းညွန်း
နာနတ်သီးကို ငါလဲကောင်းကောင်းမသိဘူး
မင်းကလက်တန်းကောင်းတယ်ဆိုပြီး
ငါတို့ ညှိခဲ့ကြတယ်
ချိတ်ခဲ့ကြတယ်။

ကဲပြန်ကြဦးစို့ ဘိုညိမ်းရေ
ငါတို့အပြန်လိုက်ပို့မယ့်မိုးကလဲ
တာစူနေပြီ
မြေပုံတွေဘေးအုတ်ဂူတွေနား ဖြတ်လျှောက်ခဲ့ရင်း
မျက်စောင်းတွေလဲ လှမ်းထိုးခဲ့ကြဦးစို့
နောက်နှစ်နွေလဲ
ဒီပန်းသီးပင်တွေပေါတဲ့
ပန်းခြံထဲမှာ ခေါင်းလောင်းလာထိုးကြသေးတာပေါ့ကွာ ။ ။

ရေးပေးပါဆိုလို့ ...

တက်ဂိမ်းကစားတာတွေ တွေ့နေမြင်နေဖတ်နေရတာ ကြာပါပြီ၊ တစ်ခါတော့ tag ခံရဖူးတယ်၊ မွန်(နတ်သမီးလေး)က ဘ၀လက်တွဲဖော်တဲ့ အဲဒီတုံးကတော့ ဘ၀လက်တွဲဖော်နဲ့ပတ်သတ်ပြီး ကဗျာလေးတစ်ပုဒ် ရေးပြလိုက်တယ်၊ အခုတစ်ခါ မီးငယ်က Blog Day အမှတ်တရဆိုပြီး tag လာတယ်၊ ဘယ်လိုရေးရမှန်းမသိလို့ သူများရေးထားတာတွေ လိုက်ဖတ်ကြည့်တယ် အမျိုးမျိုးပေါ့၊ နောက်ဆုံး ကိုရွှေရောင်ကောင်းကင် ရေးထားတာလေး သဘောကျလို့ သူ့လိုမျိုးလေးပဲ ရေးလိုက်ပါတယ်၊ ဘလော့ဂ်ဂါညီမ မီးငယ်လဲ ကျေနပ်မယ်ထင်ပါတယ်။

ကျွန်တော့်နာမည်က ဘလော့ဂ်နာမည်ရော ကျွန်တော်စာတွေကဗျာတွေရေးတဲ့အခါ သုံးတဲ့နာမည်ပါ၊ တင့်ထူးရွှေ သူငယ်ချင်းတွေကတော့ အမျိုးမျိုးပဲခေါ်ကြတာပဲ အခုလောလောဆယ် မိခင်တိုင်းပြည်နဲ့ဝေးတဲ့တစ်နေရာမှာ နေပါတယ်၊ အရောင်တွေထဲမှာအကြိုက်ဆုံးက အစိမ်းရောင်ပါ၊ အ၀တ်အစားကတော့ ကိုယ်နဲ့လိုက်မယ်ထင်တဲ့ဟာ ၀တ်ပါတယ်၊ အစားအသောက် ချေးမများတတ်ပါဘူး မုန့်ဟင်းခါး လ္ဘက်သုပ်တော့ အရမ်းကြိုက်တယ်၊ ၀ါသနာကတော့ ကဗျာရေးတာတို့စာဖတ်တာတို့ပေါ့ ၊ကြိုက်တဲ့စာရေးဆရာတွေလဲ အများကြီးပါ၊ အကြိုက်ဆုံးစာအုပ်တွေလဲ များပါတယ်၊ သီးချင်းဆိုလဲတော်တော်များများကြိုက်ပါတယ်၊ အလိုချင်ဆုံးလက်ဆောင်တစ်ခုကတော့ အခုအချိန်မှာ တစ်စုံတစ်ယောက်ဆီက စကားတစ်ခွန်းပါ၊ လူတိုင်းကတော့မိမိကိုယ်ကို အချစ်ဆုံးလို့ထင်ပါတယ်၊ မေမေနဲဖေဖေကို အလေးစားရဆုံးပုဂ္ဂိုလ်အဖြစ် သတ်မှတ်ချင်ပါတယ်၊ ရင်အခုန်ဆုံးအချိန်ကတော့ ရင်ခုန်ပြီလို့သိလိုက်ရတဲ့အချိန်ပါ၊ လိုချင်တာတစ်ခုခုကိုရလိုက်တာပဲဖြစ်ဖြစ် ဖြစ်ချင်တာတစ်ခုကိုဖြစ်ခွင့်ရပြီဆိုရင်ပဲဖြစ်ဖြစ် ပျော်ပါတယ် အမှတ်တရနေ့တွေလဲအများကြီးပဲ၊ အချစ်ကိုတော့ အချစ်လို့ပဲထင်ပါတယ်၊ အလွမ်းဆိုတာကတော့ ဆွေးဆွေးမြေ့မြေ့နဲ့သတိရလိုက်ခြင်း တစ်မျိုးလားမသိပါဘူး၊ သံယောဇဉ်ဆိုတာကတော့ မမြင်ရတဲ့ကြိုးတစ်ချောင်းလို့ ပြောကြတာပဲ၊ ဘ၀ဆိုတာကတော့ သံသရာကနေမလွတ်မြောက်မခြင်း မွေးဖွားခြင်းနဲ့သေဆုံးခြင်းကြားက ကာလလို့ထင်ပါတယ်၊ သူငယ်ချင်းကိုလဲ သူငယ်ချင်းလို့ပဲထင်ပါတယ်၊ သူငယ်ချင်းတွေကတော့ အများကြီးပဲ ချစ်သူကတော့တစ်ယောက်ထဲပါ၊ လက်စွဲဆောင်ပုဒ်ရာယ်လို့တော့ မရှိပါဘူး၊ လဲရင်ပြန်ထ အဲဒီစကားလေးကိုတော့ တော်တော်ကြိုက်တယ်၊ အပြောချင်ဆုံးစကားတစ်ခွန်းကတော့ ဒီစာလေးကို ဖတ်ပေးသွားတဲ့အတွက် ကျေးဇူးတင်ပါတယ်လို့ :)

အားလုံးအဆင်ပြေပါစေခင်ဗျာ :) :) :)

ပျံသန်းခြင်း

ဟိုးအဝေး ဘုရားကျောင်းဆီက
ဆုတောင်းသံ သဲ့သဲ့ကြားတယ်
နှင်းတွေကျတဲ့ ရက်စွဲကစလို့
ငါ့အတွက် မိုးခိုစရာ မလိုအပ်တော့ဘူး
လျှပ်စီးတစ်ချက်
မိုးခြိမ်းသံ သက်သက်
အဲဒီတန်ဆာပလာတွေနဲ့
မုတ်သုံရဲ့ တဖက်မှာ
မျှော်လင့်ချက် ရှည်ရှည်တပ်ပြီး
အိပ်မက်ဟောင်းတွေကိုဆယ်ယူဖို့
လိုအပ်သလောက် အနွေးဓါတ် ထည့်ခဲ့ပါ
ငြိမ်းချမ်းတဲ့ ဆုတောင်းသံကြား
ရာသီစက်ဝိုင်းတစ်ပတ်
ငါ့အသက်နဲ့ ထပ်ပြီး
ကောင်းကင်၏ အစွန်အဖျားဆီ ။ ။

၁၆.၀၉.၂၀၀၇




PS >> မဖတ်ရသေးတဲ့ သူငယ်ချင်းတွေက အသစ်လိုပဲ ဘဘောထားပြီး ဖတ်ပေးပါဦး ။

၁ နှစ်ပြည့်အမှတ်တရ

ကျွန်တော့ရဲ့ ကဗျာဘလော့ဂ် လေးကို လာရောက်လည်ပတ်ကြတဲ့ သူငယ်ချင်း ညီအစ်ကိုမောင်နှမများအားလုံး မင်္ဂလာပါခင်ဗျာ ၊ဒီနေ့ကျွန်တော် ဟောဒီဘလော့ဂ် လေးနဲ့ ကဗျာရေးခဲ့တာ ၁ နှစ်ပြည့်တဲ့နေ့ပါ၊ ဒီအတွက် အမှတ်တရ အနေနဲ့ ယခုပို့စ်လေးကို ရေးလိုက်ပါတယ်၊ ကျွန်တော် စာမရေးတတ်ပါဘူး ခင်ဗျာ၊ စာမရေးတတ်ဘူးဆိုတာထက် စာဖတ်သူကို ဆွဲဆောင်မှုရှိလောက်အောင် ရေးမပြတတ်ပါဘူး၊ ကျွန်တော်ဝါသနာပါတဲ့ ပေမမီ ဒေါက်မမီ ကဗျာလေးတွေကိုပဲ တစ်ယောက်ထဲ ရူးသွပ်စွာ ရေးဖွဲ့ရင်းနဲ့ ဟော့ဒီဘလော့ဂ်လေးကို အသက်သွင်းခဲ့ပါတယ်၊ ပထမဆုံး စီဘောက်မှာ လာနှုတ်ဆက်ခဲ့တာက ကိုကြီးစိုးထက်ပါ ၊အဦးဆုံးကွန့်မန့်ပေးခဲ့တာက ကျွန်တော့် သူငယ်ချင်း ကိုမျှားပြာ ပါ(ကျွန်တော်ရဲ့ ညံ့ဖျင်းမှုကြောင့်အဲဒီကွန်မန့်လေး ပျက်သွားခဲ့ရတယ်) ၊ ဒီဘလော့ဂ်လေးရဲ့ ပထမဆုံးတန်းပလိပ်ကို ပြင်ဆင်ပေးခဲ့သူကတော့ ကျွန်တော့်နောင်တော်ကြီး ကိုဖိုးဇင်ပါ၊ မှတ်မှတ်ရရ ကျွန်တော် ပထမဆုံးဖတ်ခဲ့ဖူးတဲ့ မြန်မာဘလောဂ့် ကတော့ ကိုစိုးဇေယျ ရဲ့ဘလော့ဂ် ဖြစ်ပါတယ်၊ အင်တာနက် နည်းပညာတွေ တဟုန်တိုး တိုးတက်နေတဲ့ ခေတ်ကြီးမှာ ဘလော့စာမျက်နှာတွေ တိုးပွားလာတာဟာဖြင့် ကျွန်တော်အတွက် အလွန်အင်တမန်မှ လေ့လာဆည်းပူးစရာများတဲ့ စာကြည့်တိုက်တစ်ခုအဖြစ် အလားသဏ္ဍာန်တူနေပါတယ်၊ မိမိသိလိုတဲ့ ဗဟုသုတ အကြောင်းအရာ အပြင် မိမိဝါသနာပါတဲ့ ကဗျာဖတ်ခြင်း၊ ကဗျာရေးခြင်းကိုလဲ တစ်ပြိုင်နက် လုပ်ဆောင်နိုင်တဲ့ အတွက် ကျွန်တော်ဒီပတ်ဝန်းကျင်လေးမှာ ပျော်မွေ့နေပါတယ်။

အခြေအနေ အကြောင်းအမျိုးမျိုးကြောင့် ကျွန်တော့်ဘလော့လေးကို ပိတ်ထားခဲ့ဖူးပါတယ် တစ်ခါတစ်လေ ဘလော့ ဆက်မရေးချင်တော့ လောက်အောင်ကိုလဲ ခံစားဖူးပါတယ်၊ ကျွန်တော့်သူငယ်ချင်းနဲ့ ကျွန်တော်တို့ ပြောနေကြအတိုင်းပဲ ဗလာစာရွက်ပေါ်မှာ မှင်ကုန်ခံပြီး ရေးတာထက် စာရင်တော့ ကျွန်တော်တို့ကဗျာတွေ အရောင်ပိုထွက်လာတာအမှန်ပါပဲ၊ ဟောဒီဘလော့ဂ် စာမျက်နှာလေးတစ်ခုကြောင့်ပဲ မိတ်ဆွေအပေါင်းအသင်းများလဲ တိုးပွားခဲ့ပါတယ် သံယောဇဉ်ဆိုတဲ့ ဖြတ်ရခက်တဲ့ ကြိုးလေးတစ်ချောင်းအပေါ်မှာ ကျွန်တော်ခန္ဓာကိုယ်တစ်ခုလုံး ပုံကျခဲ့ပါတယ်၊ နောက်ဆုံးတော့ လတ်တလောဆန္ဒရဲ့ ကျေးကျွန်အဖြစ်မှ ကျွန်တော်ရုန်းထွက်နိုင်ခဲ့ပါတယ်။

ဘယ်တော့မှန်းမသိပေမယ့် တစ်နေ့နေ့တော့ ကျွန်တော်ဒီဘလော့ဂ်လေးနဲ့ သေချာပေါက်ခွဲသွားရမှာပါ ၊သူနဲ့အတူရှိနေနိုင်သေးသရွေ့တော့ ကျွန်တော်ချစ်တဲ့ ကဗျာများကို ကြိုးစားပြီးရေးဖွဲ့နေဦးမှာပါ၊ အမြဲလာအားပေးတဲ့ ကျွန်တော့်သူငယ်ချင်းများအားလုံး ကွန့်မန်တွေ အမြဲလာရေးပေးတတ်တဲ့ ကျွန်တော့်အစ်မတွေရော လာရောက်လည်ပတ်သွားကြတဲ့ ညီအစ်ကိုမောင်နှမ ဘလော့ဂါမိတ်ဆွေများအားလုံးကိုကျေးဇူးတင်ပါတယ်၊ အားလုံးပဲ စိတ်၏ချမ်းသာခြင်း ကိုယ်၏ကျန်းမာခြင်းနဲ့ ပြည့်စုံပါစေလို့ ဆုတောင်းလိုက်ပါတယ် ခင်ဗျာ ..။

လျှောက်ပြီးသားလမ်းတွေပဲ

မှတ်မိလွယ်ဖို့ မှင်တွေကို အရောင်ခွဲမှတ်သလို
နင့်မျက်နှာပေါ်က အရောင်တွေ အမျိုးမျိုးပြောင်းလဲ
နင့်ရဲ့ စိတ်တွေမှာ အလင်းရောင်တွေ
ပျောက်ပျောက်သွားတတ်တယ် ။

နင့်နဲ့ပါတ်သတ်လာရင် ငါကအတ္တသိပ်ကြီးတာ
“နင့်အတွက်မဟုတ်ရင် ဘယ်သူ့အတွက်မှ မဖြစ်စေရဘူး”
ဒီလို ရှိစုမဲ့စု မာနနဲ့
လက်ခမောင်းထထခတ်တယ် ။

“သ၀န်တိုတယ်ဆိုတာ တစ်ယောက်နဲ့တစ်ယောက်
ခွဲခွာရခြင်းရဲ့အစ” တဲ့
နင်ပဲ အပြောကောင်းခဲ့တာလား
အကောင်းပဲပြောခဲ့တာလား ။

စိုးရိမ်စိတ်က ရေဆူမှတ်ကျော်နေပြီ
မတော်တရော်တွေနဲ့ တွေ့မှဖြင့်
အရွယ်မရောက် သေးတဲ့ ကလေးလဲ မဟုတ်ပဲ
နားလည်ခြင်းတွေမှာ အဆိပ်ပြင်းပြင်းခပ်မိတယ် ။

အချစ်ဟာ အစိုဓါတ်ပြယ်သလို အငွေ့ပျံလွယ် ရမှာလား
မှတ်မိလွယ်တဲ့စွမ်းအားဆိုတာ
သံယောဇဉ်နဲ့ စိတ်ဝင်စားမှုအတိမ်အနက်အပေါ်လိုက်ပြီး
စွဲထင်တတ်တယ် ။

စိတ်ထဲထင်နေတဲ့အတိုင်းသာ သံသယတွေဖြစ်နေမယ်ဆိုရင်
ငါက အမြဲချောက်ကမ်းပါးထိပ်မှာ ရပ်နေရသူလိုပဲ ။ ။

PS> မှတ်မိလွယ်တဲ့စွမ်းအားဆိုတာ

သံယောဇဉ်နဲ့ စိတ်ဝင်စားမှုအတိမ်အနက်အပေါ်လိုက်ပြီး
စွဲထင်တတ်တယ် သူငယ်ချင်းတစ်ယောက်ရဲ့custom message...မှာတင်ထားတာကိုတွေ့လို့ ဒီကဗျာလေးရေးဖြစ်သွားတယ်...

ဘယ်တော့မှ မပြောတော့ဘူး

မျှောချလိုက်ရတော့မယ့်လှေငယ်လေးထဲမှာ
စွန့်လွတ်မှုတွေ
ရရှိခဲ့တယ်
ရေထဲကအဲဒီလိုအရိပ်ထဲမှာ
ပျောက်ဆုံးသွားတော့မယ့်အတိတ်နဲ့
ရေအဆုံးကုန်းတစ်ဝက်ပဲ
မေ့လို့မရစကောင်းတဲ့အရာတွေက
မေ့ဖို့ကောင်းခဲ့တယ်
ပိုးစုန်းကြူးတစ်ကောင်လောက်
အလင်းရောင်ဖျော့ဖျော့ကို
တစ်မနက်စာထည်လဲတွဲရင်း
အဖြစ်နဲ့အပျက်ဟာ
အဖြစ်အပျက်အတိုင်း
ဖြစ်ပျက်သွားခဲ့ကြပြီ
ဘယ်တော့မှ
အဲဒီအကြောင်း မပြောတော့ဘူး ။ ။

အစီးများတဲ့ ရေ

နုတ်မရတဲ့ စကားတစ်ခွန်းနဲ့

ယာဉ်ကြောမှားခဲ့တဲ့ သံယောဇဉ်

အချစ်မှာ ပရောပရီ နေခဲ့ကြတယ် ။

ဘေးကျပ်နံကျပ်

အိုင်ထွန်းနေတဲ့ စိုးရိမ်စိတ်ကို

ခပ်ထုတ်ကြည့်

ဘယ်လောက်နဲ့ ဘယ်လောက်ကြား

အကွာအဝေးမှာ

အချစ်ဟာ လမ်းပြမပါပဲ

ရောက်အောင်လာနိုင်ခဲ့ ။

အဆင်မပြေမှုအားလုံးကို

တောင်းအလွတ်တစ်လုံးထဲစုထည့်

ခပ်ဝေးဝေးသာလွှင့်ပစ်လိုက်တော့

နွယ်ပင်လို တွယ်တက်လာတဲ့ သံယောဇဉ်မှာ

ကျွန်တော့် ခန္ဓာကိုယ်တစ်ခုလုံး

တုတ်တုတ်မှမလှုပ် ။ ။

ဘ၀ထဲကို ခုန်ချသွားတဲ့ ငါ့အစ်ကို

ဆယ်လို့ခပ်လို့ရပြီးသမျှ မင်းဘ၀ထဲမှာ
လူသားတစ်ဦး တိုးလာပြီဆိုတဲ့အသိ
ပါးစပ်တစ်ပေါက်တိုးလာရင်
ပါးစပ်တစ်ပေါက် အလျှောက်
အရင်လို မင်း လေလွင့်နေလို့ မရတော့ဘူးအစ်ကို။

ဒီလိုခေတ်ကြီးထဲ မှာ အိမ်ထောင်မှုတစ်ခု
လွယ်လွယ်ပြုလို့ မရတာတော့ မင်း ကောင်းကောင်းသိတယ်
မင်းအရင် လွယ်လွယ်ရ လွယ်လွယ်သုံးခဲ့တုံးကတော့
အမေက မင်းကိုအချစ်ဆုံးလေ
အခုတော့ မင်းမလဲ ငဲ့ကြည့်စရာရှိလာပြီဆိုတော့
မင်းအိမ်ထောင်အတွက် မင်းအရင်သုံးပေါ့။

ငါတို့ညီအစ်ကိုထမင်းတစ်ပန်းကန်ထဲ အတူစားခဲ့တာ
အကျီ င်္ ဘောင်းဘီ ဆင်တူဝတ်ခဲ့တာ
နာမည်ဆင်တူ မှည့်ခဲ့တာကအစ အတူတူပေမယ့်
လျှောက်ခဲ့ရတဲ့လမ်းတွေ မတူခဲ့ပြန်ဘူး အစ်ကို။

အ၀တ်အစားဆိုလဲ ငါ့အကျပဲဝတ်
မင်းအတွက်ကတော့
အကျီ င်္အဖြူတစ်ထည်ရှိရင် ဖြစ်တယ်ဆိုတဲ့အထိ
ပညာတစ်ပိုင်းတစ်စနဲ့ မိသားစုအရေးတွေးရ
မင်းဘ၀ ဘယ်လောက် ပူလောင်ခဲ့ရတယ်ဆိုတာ
ငါတို့မိသားစုဇတ်လမ်းမှာ အနှေးပြကွက်လို
တစ်ကွက်ချင်းစီ ငါငေးယူခဲ့ရတဲ့ သူရဲကောင်းပါ အစ်ကို။

အစ်ကိုကြီးတော့ အဖအရာ
အဖေ မရှိပဲ ကြီးပြင်းခဲ့ရတဲ့ငါတို့ ညီအစ်ကိုဘ၀မှာ
မင်းဟာ ငါ့အတွက်တော့ တကယ့်အဖ အရာပါပဲ အစ်ကို
ငါကဗျာတွေ ကိုချစ်တတ်သလို
မင်းလဲ ကဗျာတွေကို မြတ်နိုးတယ်
ငါ့ကဗျာစာအုပ်ထဲက ကဗျာတွေ
မဂ္ဂဇင်းပို့မယ် တကဲကဲလုပ်နေတဲ့ အထိ
မင်းလဲ ငါ့အတွက် ကဗျာနဲ့ပါတ်သက်လာရင်
လောဘသိပ်ကြီးတတ်တယ်ဆိုတာ ငါသိတာပေါ့ အစ်ကို။

မင်းဘ၀က မဆန်းခဲ့ပေမယ့်
မင်းပြောတဲ့ စကားတွေက ငါ့အတွက်
အဆန်းတကြယ်နိုင်လှတယ်အစ်ကို
"မင်းလဲမင်းဘ၀ မင်းတည်ဆောက်
ငါလဲ ငါ့ဘ၀ ငါတည်ဆောက်မယ်
မင်းလိမ္မာရင် မင်းအတွက်
ငါမလိမ္မာတာ ငါ့အပြစ်
ဘာမှ ငါ့အတွက် စိတ်မကောင်းမဖြစ်နဲ့
မင်းအဆင်ပြေနေရင် အမေကိုထောက်ပံ့
အဆင်မပြေရင် ငါ့ကိုအကူအညီတောင်း'' တဲ့ ။

ငါ့အတွက် အိပ်မက်တွေ လတ်လတ်ဆတ်ဆတ် ရှိခဲ့သလောက်
မင်းအိပ်မက်တွေ အညှိုးနွမ်းခံပြီး ပခုံးနဲ့ ထမ်းတင်ပေးခဲ့တာ
ဦးစားပေး အနစ်နာခံပြီး ငါ့အတွက်
ကံကြမ္မာကောင်းတွေဖန်တီးပေးခဲ့တာတွေ
ငါတို့ ညီအစ်ကိုကြားမှာ ငါ့အတွက် အမြဲ အလွတ်ရနေမှာပါ အစ်ကို ။ ။

စနေနေ့မှ ဆုံဖြစ်တယ်

ထုတ်လှမ်းထားမိတဲ့ သံသယတွေ
ရုတ်သိမ်းလိုက်တဲ့အခါ
ညောင်းညာနေတာတွေ
အားလုံးပျောက်သွားသလို
အတွေးက
ဆိပ်ကမ်းကို နှစ်ခါပြန်မကပ်
အိမ်ရှေ့ပေါက်က တက်လာပြီး
နောက်ဖေးပေါက်က ပြန်ဆင်းသွားသလို
ဒီမှာတင် ကိစ္စပြီးတယ်
ခံစားချက် တူညီသလောက်
ရင်ခုန်သံခြင်း ပေါင်းကူးကြည့်တော့
ဒီလောက်တောင်ပဲလားတဲ့
ကျွန်တော်က
ဒီထက်တောင်ပိုသေး ။ ။

သံတူကြောင်းကွဲ

ချိုင့်ဝှမ်းထဲက ငါ့အတွေးတိုင်းကို
နင့်အရိပ်တွေနဲ့ပဲ အုပ်မိုးထားခဲ့
သွေးထွက်သံယိုများမယ်မှန်းသိတဲ့ ကစားမှုမျိုးကို
ဘယ်လိုအတွေးနဲ့ လက်တည့်စမ်းလိုက်သလဲ
ညဟာ တဖြည်းဖြည်း
အလင်းရောင်နဲ့ဝေးဝေးလာခဲ့
လာလမ်းတွေ ဖြောင့်ခဲ့တယ် ။

ဒီတစ်ခါ မှန်လိုက်တဲ့ ခဲက
ကန်ရေပြင်တစ်ခုလုံး ၀ဲဂယက်ထသွားတယ်
ဒါဟာ ငါ့ပယောဂ သက်သက်မဟုတ်တာကိုတော့
နင့်လိပ်ပြာသန့်ပေးပါ
နောက်ဆုံးကြယ်သီးတစ်လုံးဖြုတ်အပြီးမှာ
ငါ့ရင်ဘတ်တစ်ခုလုံး
အေးစက်မာကျောနေခဲ့ပြီလား ။

အက်ရာအက်ကြောင်း မထင်မိစေဖို့
နင့်လက်နဲ့ဖြစ်ဖြစ်
ငါဖတ်ဖို့ နောက်တစ်မျက်နှာ လှန်လိုက်ပါတော့
အပျက်ပျက်နဲ့ ဒီလိုနှာခေါင်းသွေးထွက်မယ့်အရေး
ဘယ်သူက ဘယ်သူကို ချိန်ရွယ်မိမှာလဲ ။

ဒီမှာ နင်လဲကျခဲ့တုံးက ဘယ်သူအရင်ဆုံးထူမခဲ့သလဲ
အချစ်ကိုလျှော်ကြေးတစ်ခုလို
လိုလိုလားလားပေးဆပ်ခဲ့တဲ့ငါ့အတွက်
ဘယ်လို ဘေးထွက်တွေနဲ့ စတေးပစ်လိုက်ရမလဲ ။

ဖြစ်နိုင်ရင်
ဒီဘ၀မှာတင် နင့်အပေါ်တင်နေတဲ့
ငါ့ရဲ့အချစ်တွေ အကြေပေးလိုက်ပါရစေတော့ ။ ။

သီးခြားကမ္ဘာ

မီးညွန့်တစ်အားကောင်းနေတော့
တစ်ပုံးလဲ မရ နှစ်ပုံးလဲ မရ
ဖြစ်ပုံများ
မီးများမီးနိုင်ပဲ …
တစ်နေ့တစ်နေ့
ဝှက်စာတွေ ထိုင်ဖော်ရတာကပျင်းရိဖွယ်
စာမတတ်တော့လဲ
မျက်စိသူငယ် နားသူငယ် ။ ။

ပွဲပြီးမီးသေ

ကျွန်တော့်အကြောင်းဆိုရင်တော့
ပြီးစလွယ်ပဲမေ့ပစ်လိုက်ပါ
ကြုံကြိုက်လို့ ကိုယ်ချင်းစာမိရာက
အမြဲသတိရနေမှာလား
သင်္ခါရ ရထားထွက်တော့မှာမို့
ကျွန်တော့်တစ်နေရာစာ ဘယ်သူလိုက်သွားမလဲ ???
ရှေ့ဘူတာမှာ သံသရာလမ်းခွဲခရီးသည်တွေ ။

ကြော်ငြာအားကောင်းတဲ့ နာရီတွေမှာ
အချိန်အပိုတွေ အခမဲ့ပေးထားတယ်တဲ့
လိပ်အခွံနဲ့လုပ်ထားတဲ့ ကျွန်တော့်ကျော
တစ်ဘ၀စာ အာမခံတယ် ဘယ်ဓါးမှ မတိုးဘူး
လိုချင်တယ်ဆိုရင်တော့ စွန့်စားရှာဖွေပါ
လိပ်စာကပ်မထားဘူး
လက်ကမ်းစာတွေ မဝေဘူး ။

အမှိုက်ပုံထဲမှာလဲ ရှိတတ်တယ်
ချောဆီသုတ်ထားတဲ့ တိုင်ထိပ်မှာလဲ ရှိတတ်တယ်
ဆိုက္ကားဆရာတစ်ယောက်ရဲ့ ခြေသလုံးဟာမိသားစုတစ်ခုလုံး
စားဝတ်နေရေးတွေ ကြွက်တက် နေတယ် ။

ထမင်းရည်ပူစီး နင်းမိလိုက်တဲ့ ထုပ်စီးတိုးသူလို
ဘ၀ကိုအစကပြန်ကစားရကြေးဆိုရင်
ရေသေမှာပဲ အစုန်မျှောလိုက်ချင်တယ်
မီးထတောက်တဲ့ ရေ ဆိုသေချာပေါက်အစစ်
ပစ်စလက်ခတ် ထားတတ်တဲ့ ကျွန်တော့်အတွေးက
ပုပ်အဲ့အဲ့ အနံ့အသက်ရပြီဆိုရင်
ကျွန်တော့်စာကြောင်းအားလုံး မှင်နီခြစ်ခဲ့လိုက်ပါ ။ ။

ဘိုးတံပျောက်နေတဲ့ ငါ့တယောလေး

လက်ဖက်ခြောက်ခပ် နှပ်ထားတဲ့
ခပ်ကျကျ လက်ဖက်ရည်တစ်ခွက်လို
ညတွေကိုမော့သောက်
အလွမ်းတွေ ပျို့အန်လာပုံများ
လူမသိ သူမသိ

ကဗျာတောင်းကြီးထဲ
တစ်စစီကောက်ထည့် …
အစိပ်စိပ်အမွာမွာကွဲ ဖရဲသီး
ရင်ကြားစေ့လိမ္မော်သီး ။
အလောင်းဖျောက်ဖျက်ခံလိုက်ရတဲ့
ဝိညာဉ်တစ်ခုရဲ့ ကွယ်ရာမဲ့တေးလို
စိတ်တစ်ခုရဲ့ ကြိမ်နှုန်းဟာ အတိတ်ကို တဖျပ်ဖျပ်ထခတ်
ဝမ်းနည်းမှုတွေနဲ့ ငါ့တစ်မြို့လုံး အလံတစ်ဝက်တင်လို့
ဘိုးတံပျောက်နေတဲ့ ငါ့တယောလေး
ကိုးကွယ်မှုမှာ ဘာသာမဲ့ခဲ့တယ် ။

တစ်လှေလုံးမှောက်

တစ်နေရာစာ ခြေချခွင့်ရတဲ့ လူ့အဖြစ်အပေါ်
ချောင်ထိုးခံထားရတဲ့ သစ္စာတရားတွေက
ဖုန်အလိမ့်လိမ့်တက်လို့
တစ်နေ့တစ်နေ့ လျှော့ချခံနေရတဲ့
လူ့သက်တမ်းတစ်လျှောက်
စိတ်ချမ်းသာမှုဘယ်လောက်များများ
အဖတ်ဆယ်မိပါသလဲ
စိတ်အူလည်တိုင်က
ထွက်လာတဲ့ ဒေါသငွေ့တွေကြောင့်
ပတ်ဝန်းကျင်အပေါ် ဘယ်လောက်များ
ဘေးထွက်ဆိုးကြိုး များခဲ့ပါသလဲ
ဘယ်လိုချိန်ချိန် အလေးပြည့်တဲ့
သမာဓိအပေါ်
ဘယ်လိုများ အလေးခိုးချိန်ခဲ့ပါသလဲ
ဖဲ့ကြွေးလိုက်ရတဲ့
ကိုယ်ချင်းစာတစ်ဖဲ့ကြောင့်
လူဘယ်နှစ်ယောက်များ ၀မ်းဝခဲ့ပါသလဲ
အမြဲတမ်း လင်းနေတတ်တဲ့
စာနာသနားမှုတွေ
ဘယ်အချိန်မှာ ကျွမ်းသွားခဲ့ပါသလဲ
ချုပ်ရိုးဖြေပြီးခါစ
ကျွန်တော့်အတွေးတွေလဲ
ဘယ်တော့များ အနာကျက်လိမ့်မလဲ
ဒီလိုထွေးထုတ်လိုက်မိတယ်ဆိုတာကလဲ
ကျွန်တော်ငုံထားမိတဲ့ ရေတစ်မှုတ်မို့ပါပဲ ။ ။

နောက်တစ်ခါဆို...

နောက်တစ်ခါ မမူးတော့ပါဘူး
သမီးလေးမျက်နှာ ပြေးမြင်တယ်
သူလဲပဲ အရွယ်ရောက်နေပြီ
ရှက်ရှာမှာပေါ့

နောက်တစ်ခါ မသောက်တော့ပါဘူး
ငါ့အတွက် အရက်တစ်လုံးဖိုးက
ညစာဟင်း တစ်ခွက်ဆိုလဲ
ငါတို့ထမင်းဝိုင်းလေး စိုပြေမှာပဲ

နောက်တစ်ခါ မရမ်းတော့ပါဘူး
မျက်နှာမထားတတ်တဲ့
အိမ်သူခမျာ ပူပန်သောက
မျက်ရည်ကျရတော့ စိတ်မကောင်းဘူး

နောက်တစ်ခါ အဖော်မရှာတော့ပါဘူး
အတင်းတိုက်တိုင်း သောက်တတ်တဲ့
အားနာမှု့က ငါ့လစ်မစ်ထက် ပိုမူးစေတယ်

နောက်တစ်ခါ မသောက်တော့ပါဘူး
မူးလာရင် သွေးဆိုးတတ်တဲ့ အကျင့်ကို
ဂုဏ်သိက္ခာတစ်ထပ်နဲ့ အလဲအလှယ် လုပ်ခဲ့ပြီးတဲ့နောက် ။ ။

အငှားလူတစ်ယောက် ခင်ဗျား ကျွန်တော်

ကျွန်တော်ခြစ်လိုက်တဲ့ မီးစက
ခင်ဗျားအတွက် မီးညှိဖို့ဖြစ်လာတယ်
ဟုတ်ကဲ့ ကူးစက်တတ်တဲ့ ရောဂါ ..
ကျွန်တော့်အတွက် မေးခွန်း ခင်ဗျားဖြေပေးနိုင်မလား
ခင်ဗျားသဘောတူမယ်ဆိုရင်
ကျွန်တော် မီးခြစ်တိုင်းခင်ဗျား မီးလာတို့နိုင်တယ်
ဟောဒီ လေထုထဲမှာ အမှိုက်သရိုက်များစွာ
လွင့်ဝဲနေတယ်ဆိုရင်
တစ်ခုသော အမှိုက်ဟာကျွန်တော်ပါ
အားလုံးသော အမှိုက်သရိုက်များဟာ
ကျွန်တော်နဲ့သက်ဆိုင်ပါသလား
သုံးမရတဲ့အမှိုက်အားလုံး
ကျွန်တော့် ဦးခေါင်းထဲ လာပုံပါ
ကျွန်တော် အမှိုက်ပုံး
အခဲဖွဲ့စည်းခြင်း အရည်ပျော်ခြင်း အငွေ့ပျံလွယ်ခြင်း
ဘာမှ ခြားထားလို့မရတဲ့ ဆက်စပ်မှု
အပူချိန်တွေနဲ့ဖိအား ...
ဘ၀ဆိုတာလဲ ရေချိုးခန်းထဲမှာပဲ
အပူအအေးမျှတအောင် စပ်ချိုးမှ ။ ။

အဝေး စကား

စိတ်ကို ဂျက်ချထားလိုက်တယ်
ဘယ်မလဲ ထွက်ပေါက်
အရောက်နောက်ကျခြင်းဟာ
အသက်အရွယ်နဲ့မဆိုင်ဘူး
တန်ဖိုးရှိတဲ့အရာတွေက
စက္ကူရွှက်တွေ ဖြစ်ဖြစ်နေတော့ …။

ကြာကြာခံဖို့ ထုပ်ပိုးထားရ
အသင့်စားဖို့အတွက်လဲ ထုပ်ပိုးထားရ
အလွယ်တကူ တူးဖော်ခွင့်မရတဲ့အခါ
ဘာနဲ့ပဲထုပ်ထုပ်
ဘယ်တော့မှ ပွင့်မလာသေးဘူး ။

အဲဒီသစ်ပင်ကြီး ဘယ်လောက်အိုအို
သူ့ရင်ဘတ်ပေါ်မှာ
ငါတို့ ထွင်းခဲ့ဖူးတဲ့
အသဲပုံ လေးကတော့
သူ့ဘ၀အတွက်သေရာပါပဲ ။

၂ နာရီခွဲပဲစောစော
၃ နာရီခွဲပဲ နောက်ကျကျ
နင့်နာရီနဲ့ ငါ့နာရီ
တစ်ထပ်တည်းကျတဲ့အချိန်ဟာ
ငါတို့အတွက် ဆုံမှတ်ပေါ့ ။ ။

နက္ခတ်အလွဲများအကြောင်း

အမြဲ ပစ်မှတ်လွဲချော်တတ်တဲ့ကျွန်တော်
တစ်ခါတစ်ခါ ကိုယ့်စိတ်ကို ဖမ်းဆွဲထားရတာကိုက
ကစားပွဲ တစ်ခုလို
သတိရလိုက်တယ်
ဒါဟာ သွေးလေခြောက်ခြားတာ
''ကောင်လေး ကောင်လေး''
ခဏ ခဏ မခေါ်ပါနဲ့
ကျွန်တော်သံသရာတွေကို ဆွဲဆန့်နေလို့
''အိပ်မရရင်လဲ ထထိုင်နေလိုက်''
လမ်းထိပ်ကင်းတဲက သံချောင်းခေါက်သံ
သုံးချက်လား လေးချက်လားအတိအကျမသိ
စိတ်တစ်ခုလုံးမှာလဲ အကြားအလပ်မရှိ ။

လရောင်ကို ချဉ်ခြင်းတပ်လို့မရတဲ့ဘဝမှာ
ညဟာ ညမပီသဘူး
တစ်သောင်းနဲ့ခြောက်ထောင်ပုံ တစ်ပုံ
တစ်စချင်း ရှင်းထုတ်ပစ်တာတောင်
မက်စောက်တယ်
အခုအချိန်ထိကို ဘယ်လိုအရသာနဲ့မှ
ခံတွင်းမတွေ့သေးတာ
ခံတွင်းပျက်တာကြာလှပေါ့ ။

ကြည်လင်သန့်ရှင်းတဲ့ရေအေးအေးလေးတစ်ခွက်လောက်
အဲဒီအရသာကို ကျွန်တော်တက်မက်နေလို့
လူတစ်ယောက်ကို ချည်နှောင်လိုက်ဖို့
ကြိုးမလိုဘူး
စကားလေး တစ်ခွန်း
လှုပ်လေ မြှုပ်လေ
အသက်ကယ်ဆေးဆိုလို့
ပယ်နယ်တီတောင် မကန်လိုက်ရဘူး
ဒီတစ်ခါလဲ ရှုံးတယ် ။ ။

ရောက်ရာအရပ်ကလှည့်ပြန်ခဲ့ပါ

(က)
ကျင်စက်နဲ့ တို့ခံလိုက်ရသလို
တစ်ခါတစ်ခါ ၀င်လာတဲ့အသိ
နာကျဉ်လွန်းလို့ပါ
စံပယ်လေးလို နင်ကြွေမှာစိုးလို့
ငါ့မှာ လေတွေကို
တိုးတိုးလေးပဲ တိုက်ခတ်စေခဲ့တာ
နှင်းငွေ့ဖြူဖြူတို့ ပန်ဆင်ထားတဲ့ဆောင်းမှာ
ရင်ငွေ့တို့နဲ့ နွေးနေခဲ့တုံးက
ပြောမ၀တဲ့ စကားတွေ ရင်ထဲမှာ ရှိတယ် ။

(ခ)
ကုန်းရုန်းထတတ်တဲ့ အလွမ်းကတော့
ကျွန်တော် သောင်ပြင်ကို အမြဲလာပုတ်ခတ်တဲ့လှိုင်း
ကျောခိုင်းသွားတော့မယ်လို့
ကြိုသိတဲ့အခါ ကျွန်တော် ဘာအတွက်
ဟော့ဒီ မျက်လုံးတွေကို ခုံမင်နေဦးမှာလဲ
အတောင်စုံပြီဆိုတော့
ဟိုးအဝေးကို ပြန်ထွက်သွားပြန်ပြီ
ကျွန်တော်မှာသာ
ဟော့ဒီ အသိုက်လေးထဲ
သစ္စာတရားတွေ အပြည့်နဲ့ နေရစ်ခဲ့ပါတယ် ။

(ဂ)
ခေါင်းလောင်းသံ တိုးတိတ်ညင်သာစွာ
တီးခတ်လိုက်တဲ့ စာသင်ခန်းမှာ
သူ့ဆည်းလည်းသံက ကျွန်တော့် စာအံသံထက်
အဆပေါင်းများစွာ ဖုံးလွမ်းတတ်တဲ့ သက်မဲ့ အသံလှိုင်း
စူပုပ်ထားတဲ့ နှုတ်ခမ်းတစ်စုံသာမက
ရှားရှားပါးပါး ပွင့်တတ်တဲ့ သူ့အပြုံးက
ဟေမာန်ညပေါင်းများစွာအတွက်
ကျွန်တော့် အိပ်မက်တွေရဲ့ တန်ဆာပလာတွေအဖြစ်လဲ
အသွင်ပြောင်းရဲ့ ။

(ဃ)
ရင်ခုန်သံကို အစပျိုးဖို့
နတ်ဆိုးတို့ စုဝေးပုံက
ကျွန်တော့် ရင်ခွင်တစ်စုံကို
ရက်ရက်စက်စက် ရွေးချယ်ရက်ကြတယ်
ညနေခင်းတစ်ရက်မှာ သူ့ဆံနွယ်တွေ လေမှာလွင့်ကြတာဟာ
ကျွန်တော့်တစ်သက်စာ ကျိန်စာတွေ ဖြစ်လိမ့်မယ်လို့
ကံကြမ္မာကိုက ဇာတာတွေ ဖွဲ့ခဲ့ပါသလား
ကျွန်တော့်နှလုံးသား တစ်ခုလုံး
အပေါက်အပြဲတွေ အရမ်းများခဲ့ပါတယ် ။

(င)
အရွက်မရှိလေတဲ့ အခိုင်းဖျား
ဘယ်လို ငှက်မှ နားမရ သလို
ရှားရှား ပါးပါး ပွင့်ခဲ့ရှာတယ်
အဲဒီ နှုတ်ခမ်းတစ်စုံ
အဲဒီ မျက်လုံးဝိုင်းဝိုင်း
မေးစေ့ အထက်က မှည့်ငယ်ကအစ
ရင်ထဲ အမှတ်ရ စရာ
အခါခါ ထုတ်ဖတ်ဖြစ်တဲ့ ကဗျာတစ်ပုဒ်လို
အတွေး တွေ လတ်ဆတ်နေတုံးပဲ ။

(စ)
ချယ်ရီတောမှာ ထူထူထပ်ထပ် ပေါက်ခဲ့တဲ့
သတိရခြင်းတွေက
နေ့နေ့ညည ကာလ သတ်မှတ်ချက်မထားဘူး
ခေါင်းအုံးအောက် ဖိအိပ်ခဲ့ရတဲ့
ပထမဆုံး စေတမန် စာအိပ်အနွမ်းလေးက
လေးဘက်လေးတန် အခန်းထဲမှာ
အထီးကျန်ခြင်းကို ပိုးမွေးသလို
ဆူပွတ် အိုင်ထွန်းတဲ့ စိတ်
တစ်ခါးတစ်ချပ်ပါပဲ
ကျကွဲသွားတဲ့ အသံတစ်ချို့တစ်ဝက်
“ကောင်စုတ်”တဲ့
ဘယ်တော့မှ ပြတ်တောက်မသွားမယ့် အသံလှိုင်း ။

(ဆ)
ခပ်ထူထူ သနပ်ခါးပါးကွက်ကြားနဲ့
ုမြန်မာဆန်ဆန်လှတယ်လို့
မကြာခဏကျွန်တော် ပြောဖူးခဲ့တဲ့ ပါးပြင်ပေါ်
အနမ်းပွင့်တွေ လွင့်ဖူးတာဆိုလို့
တိတ်တခိုး နဲ့စိတ်ကူးယဉ်မှု့ခပ်ပါးပါးပါပဲ
ဒါထက်ပိုပြီး ရိုးသားမှု့ကို တန်ဖိုးထားပါတယ်
လက်နှစ်ဖက်ပြည့်ဖို့ အထိတော့
ကျွန်တော့် လောဘတွေကို အဆုံးသတ်နိုင်ပါတယ်
ဖြစ်နိုင်ရင်ရောက်ရာ အရပ်က လှည့်ပြန်ခဲ့ပါ 

ငါ့ အိပ်မက်တွေ တစ်လှေလုံး
နင့်အနမ်းတွေနဲ့ ဖူးပွင့်နေလို့ ။

(ဇ)
ဒီအချိန်ဆိုကမ်းခြေမှာ ခရုလေးတွေကောက်နေမလား
လတ်ဆတ်တဲ့ လေကိုရှူလို့
ကမ်းခြေတစ်လျှောက် ဆိုင်ကယ်စီးနေဦးမလား
နင့်အပြောကတော့ ဆိုင်ကယ်မှောက်တိုင်း
ငါ့ကို သတိရလိုက်တယ်ဆိုလားပဲ
သတိရနေပါလို့ အခါခါ ပြောနေမယ့်အစား
သတိတရ ရှိနေပေးပါလို့တော့
တစ်ခါလောက်ပြောလိုက်ချင်ပါသေးတယ်
သူ့လက်ခုံ နုနုပေါ်က သဲမှုန်လေးတွေကအစ
ကျွန်တော့်အတွက် အန္တရာယ် ဆိုးတွေ
ဖြစ်နေစေလို့ပါ ။
(စ် )
ငါ့အသံတွေ မကြားနိုင်လောက်တဲ့အထိ
ထွက်ပြေးသွားခဲ့တာလား
မကြားချင်တော့တာလား
နင်မရှိတဲ့ ငါ့အခန်း
လေ၀င်လေထွက် ခက်နေတယ်
နင်ရေလောင်းနေကျ သစ်ပင်လေးလဲ
ညှိုးနွယ်း နေရော့မယ်
အပြုံးတွေ တစ်ကိုယ်လုံး ဖုံးထားတဲ့
နင့်ဓါတ်ပုံလေးကိုတော့
ငါနေ့တိုင်း ဖုန်သုတ်ဖြစ်ပါတယ် ။

(ည)
မျိုသိပ်ထားရတဲ့စိတ်ဟာ
ပင်ပန်းကြီးပါတယ်
နင့်အစား ပင်ပန်းမှု့ အားလုံး
တစ်နင့်တစ်ပိုး ငါထမ်းပိုးထားချင်တယ်
အခါခါ ရှာဖတ်မိတဲ့ နင့်မျက်နှာပေါ်က
အရေးအကြောင်းတွေလောက်
ငါ့သဏ္ဍာန်တွေ မပီပြင် ၀ိုးတ၀ါး
ပျောက်ကွယ်မသွားခင်အချိန်ထိ
ဖြစ်နိုင်ရင် …
ရောက်ရာအရပ်က လှည့်ပြန်ခဲ့ပါ ။ ။

ဝေဒနာ (၂)

ငါ့ခေါင်းထဲက အမှတ်သညာကို
နံရံနဲ့တိုက်ထုတ်တိုင်းလဲ
ထွက်ကျမလာတော့ဘူး

နှလုံးသားမှာ သွေးခဲနေတဲ့
ဒီနာမည်ကို
ဘာလို့ ခြစ်ထုတ်ပြစ်ရမှာလဲ

အဲဒီအိပ်မက်ဟာ
ညမွေးပန်းကြောင့်ဆိုရင်
အိပ်စက်ခြင်းကို အပြစ်တင်မယ် ။ ။